《中年好聲音2》本月24日將會舉行決賽，現時電視播出的是最後九強，不過所有初賽早已錄影完畢，最後七強名單就相當保密，仍然未知誰勝誰負。昨日myTVSuper播出的《你看不見的中年好聲音2》節目中，《中年好聲音2》與《聲夢傳奇》Cross-over的幕後花絮，原來一樣爆笑精彩。
同場加映：Gi-Force演唱會補場｜炎明熹大學成績表比預期中理想 投入工作未Feel到有追求者
輝智、古淖文及陳俞霏完成演出後在後台休息，期間主持人許文軒指古淖文大爆輝智好想跟陳俞霏交換對手，即趙頌宜與XiX對調。古淖文笑言：「我哋琴日已經Rehearsal，輝智好興奮，因為XiX同俞霏成個團隊太有活力，直情令輝智原本成日腰痛，即刻冇晒事。」在旁的輝智即時聞聲起舞，更高舉手腳扮「Happy伯」跳舞，非常搞笑。
在許文軒的邀請下，輝智即場向XiX學舞，輕鬆扭Pat Pat毫無難度，他更玩嘢扮教訓XiX：「喂，啱Beat啲吖！」、「第四個，你好似甩甩哋喎！」十足爸爸帶領女兒們跳舞一樣。不少粉絲都大讚輝智豁出去，跟以往寡言沉實的他差很遠，相當驚喜。
輝智昨晚都有在「輕鬆啲」的YouTube Channel開直播，一邊回答大家問題，一邊繼續發揮他幽默的一面，他解釋其實本身性格都多口，不過開初要面對鏡頭有少少不太習慣，而家已經熟悉很多，甚至不顧後果，所以他都不敢重溫《你看不見的中年好聲音2》。他大爆今年參賽海選的時候，主動向工作人員要求不入有直播的房間，怕未能入圍會「好瘀」，但工作人員不讓他有特權選擇，後來輝智更想好如果入直播房間的話，他就退出，非常堅持。
被網友問到他的私生活，輝智表示自己女兒4歲、兒子3歲，但他不得不承認自己比較偏心囡囡，「其實差唔多，不過個女好黐我，成日嗲我，個仔就好識得自娛，唔太需要我。」原定只有22分鐘的直播，最終玩到不捨得走，傾足38分鐘，滿足粉絲所需。
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
