女神倪晨曦 (Elva) 於2020年與圈外老公Vincent結婚，並於同年11月初誕下仔仔，並於2022年11月誕下第二胎，而已經係兩孩之母嘅佢身材都完全冇走樣，係各大高級時裝品牌嘅寵兒。今日倪晨曦又分享咗佢喺巴黎時裝周期間影嘅靚相，一直行先過潮流一步嘅佢今次嘅裝束又再次引起大家熱烈討論。
同場加映： Gi-Force演唱會補場｜炎明熹大學成績表比預期中理想 投入工作未Feel到有追求者
今日Elva於IG分享靚相，相中嘅佢着上白色背心長外套，上身係一件polo領長袖衫，而下身僅着一條猶如男裝泳褲嘅三角小短褲，終極「下半身失蹤」，盡騷出一雙白滑長腿。Elva留言：「每次穿miu miu的衣服都是一種挑戰，例如我這次看秀的Pantless Look🩲Miu Miu總是顛覆傳統，時尚中帶著一絲反叛，一次又一次讓人跳出舒適圈......代表的是一種風格和態度，大膽嘗試，挑戰自我 💚」
唔少網民都大讚，又指得佢先carry到呢個look，留言：「Pantless look也carry得很好。」、「很大膽，但有大長腿，加分。」、「寫得好好，勇於挑戰也是對自己的再發現，走在前頭需要更大的膽識及遠見。」不過都有唔少網民表示唔識得欣賞，留言:「呢條褲仔真係唔識欣賞，如果下身着其他嘢，成個造型會好睇好多。」、「呢條咪係維港渡海泳嗰啲阿伯嘅泳褲。」、「很像泳褲。」
其實Elva都唔係大一次挑戰大膽破格嘅時裝，雖然佢已經係衣架身形，不過每次見到佢嘅突破都令人不禁感到驚訝。例如之前曾挑戰同一品牌嘅超低腰裙，腰間多少少肉都着唔到；又有上年同張敬軒撞款嘅中門大開偽肌肉裝；仲有出席Dior活動時嘅高腰內褲配低腰牛仔褲……每次都令人大開眼界！
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
