好外傭︱港媽感激絕世好姐姐 照顧訓練嚴重智障女兒　5歲終學會走路

好外傭可遇可不求！近日有港媽發文表揚家中的「萬能」姐姐，大讚她不僅勤力有愛心，更自動自覺為5歲的嚴重智障女兒訓練，令一直行動不便的女兒最近終於可以自行走路。日前姐姐出嫁，港媽為答謝對方一直以來的付出，落手落腳為她佈置場地，亦替她找到好歸屬而高興。

同場加映：
管家王｜衣櫃越深越難收納　地台最重要裝一個配件　專家拆解睡房儲物空間設計

該港媽近日於Facebook專頁「表揚好姐姐開心分享區」表揚家中的姐姐，形容她是「萬能全能靚女超人」，不僅英文好、有常識，而且十分勤力和有愛心，「有時我叫佢唔好做，休息下，佢都忍唔住要做」。

港媽透露，女兒為嚴重智障而且行動不便，姐姐5年來一直用心照顧女兒，「由特殊幼兒中心到而家小學，長期陪伴女兒返學，一早跟車返學跟到放學回家，校內餵食」，加上女兒經常要到醫院複診，姐姐亦會陪她們出入。港媽透露，姐姐每星期都會帶女兒去做物理治療，幾年前物理治療師曾建議姐姐可為女兒做訓練，姐姐聽從意見，每日自動自覺為女兒練習，女兒在5歲時終於學會走路，令她大為感動，「我係後來先知道原來佢做咗咁多」。

+4

+3

點擊圖片放大

港媽又指身邊各人均力讚姐姐，自己亦因姐姐才得以重投職場，

所有認識我哋嘅家長、老師、社工、主任、治療師、朋友，無一不讚姐姐真係超級好，超愛錫我女，對其他特殊小朋友一樣好有愛。冇佢我冇可能返出來全職，冇可以做到咁多家長義工活動。」

外傭出嫁 港媽幫手佈置場地

她又提到，日前姐姐在香港結婚，邀請了一家人以及港媽的好友一同簡單吃個飯，港媽為答謝對方的付出，與朋友落手落腳幫忙佈置場地，對於姐姐找到好歸屬感高興，「希望佢老公好好愛鍚佢」。充滿責任心的姐姐亦已經找來好友頂替自己位置，更會幫忙培訓，「佢同老公講咗一定要搞掂我女」，令港媽感慨表示：

「咁好姐姐去邊度搵呀？」

網民留言祝福

帖文一出，不少網民都被港媽的故事所感動，紛紛大讚姐姐，「睇到眼濕濕，祝福你一家同姐姐都安好，好感動，親人都未必做到」、「好運氣可以搵到咁好咁有愛心嘅姐姐！難得！」祝福她與港媽一家生活幸福美滿，「祝樓主同姐姐都幸福美滿！」、「希望新姐姐照顧得你女好好，都祝你姐姐新婚快樂」。

+5

+4

點擊圖片放大

內容已獲當事人授權刊登。