羅啟豪自從參加《中年好聲音》歌唱比賽之後，吸納了越來越多Fans。踏入新一年，羅啟豪就不斷搵真銀，周圍登台。早前，就跟無綫總經理曾志偉去美國登台，首次衝出亞洲工作，都遇到難忘的經歷。
同場加映：Gi-Force演唱會補場｜炎明熹大學成績表比預期中理想 投入工作未Feel到有追求者
入行之後，羅啟豪已經去過不少地方演出，除了與肥媽去馬來西亞表演外，還有踏足去澳門、內地會見歌迷。而由農曆年已經開始工作的羅啟豪，繼續馬不停蹄密密做，早前獲邀去美國，出席當地一間賭場酒店舉辦的私人晚宴。此行去拉斯維加斯的還有曾志偉、三哥苗僑偉、三嫂戚美珍和黃洛妍（Janees）。
在晚宴上，羅啟豪分別獻唱了廣東話、普通話同英文歌曲。他感榮幸獲邀出席是次活動，他表示：「聽講今次嘅宴會係一個有好多年歷史嘅新年慶祝活動，之前因爲新冠肺炎停辦咗幾年，疫情後首次復辦，自己非常榮幸有份參與，同埋好驚喜被安排住喺一間非常舒適同非常靚嘅酒店。」
之前羅啟豪曾經在美國生活，但對於拉斯維加斯也算是有點陌生，今次去到有不少驚喜：「雖然自己住過喺美國唔同嘅城市，但就係第一次去拉斯維加斯。嗰度有好多有趣嘅景點，譬如有個新開嘅半圓型娛樂場館，我因爲時差關係一早6點鐘起咗身，見到場館成個都係螢光幕嘅外牆，竟然變咗一個啱啱瞓醒嘅巨型 emoji 樣，喺度又矇眼又打喊露咁，好得意！」
登台之外，羅啟豪和黃洛妍還有時間在當地旅遊見識一下，3位前輩曾志偉、苗僑偉和戚美珍就帶他們品嚐當地美食，羅啟豪說：「好開心曾生、三哥同三嫂帶我同 Janees 周圍去食好嘢、睇當地好出名嘅騷，仲分享好多自己嘅經驗同故事畀我哋聽！」
不過，一向腸胃敏感的羅啟豪，在當地不幸食物中毒，幸好三哥、三嫂攜帶了藥物幫忙救急，趕及在演出之前痊癒。這次美國之行後，羅啟豪馬不停蹄繼續飛，下星期前往加拿大演出，相信會有排忙！
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
