雯雯想下半年低調遠離複雜世界 「舊聞重提」：歡迎另一半同我離婚

張致恒和粉絲區燕雯（雯雯）作為「愛生事家庭」，一家六口好似特別多事發生，兩公婆在IG經常各出奇謀製造話題。繼日前，張致恒再出動慘招數博同情，出動QR Code於網上籌旗，被指網上行乞後；雯雯於今日凌晨時份又再一次以舊聞借題發揮外，而且更突然話不再公開情緒換來健康以及寧靜世界。

同場加映：Gi-Force演唱會補場｜炎明熹大學成績表比預期中理想 投入工作未Feel到有追求者

張致恒和雯雯2019年奉子成婚開始，過了一段短時間美滿婚姻後，就不時製造新聞，比每天無綫播出的連續劇故事更曲折離奇兼豐富。雯雯長期不滿老公不思長進，多次高調嗌離婚，成功出位兼被封為「離婚KOL」。

2月尾，雯雯罕有公開多謝張致恒，「我好多謝stevencheung都不斷學習點樣照顧好小朋友，亦都實實在在多謝你同我一齊面對全世界嘅責罵。」凌晨時份雯雯又突然重提2月22日一篇關於吳浩康公開勸她「唔好搞老公」的報道，當日雯雯已經出帖文反擊，「我問心無愧，做自己想做嘅嘢，講自己想講嘅嘢，喺自己平台做自己。我唔需要人認同，亦唔需要批評我啱與錯。」

雯雯還借題發揮，出動另一篇感性文，「如果要話我搞到自己老公事業冇咗，咁不如話五年時間，佢冇好好去反省同改變好自己，不斷重複自己嘅錯誤，先會導致到今日發生嘅事。我冇咁無聊搞任何人，正正常常一段婚姻，點解會搞成咁，唔會冇原因，只係我乜嘢都放晒喺塊面，唔識演姐（啫）！只可以講我要做一個懂得體諒嘅老婆，5年乜都做晒，我唔會再畀自己受任何委屈。多謝大家關心，如果我做嘅嘢係咁惡劣，我隨時歡迎，我另一半同我離婚。」

+9

+8

點擊圖片放大

隨後，雯雯再出帖文，表示想改變自己靠在社交平台寫文發洩情緒的舉動，「希望下半年，不公開自己情緒，低調，可換來健健康康，從此遠離複雜嘅世界。」其實雯雯都不是第一次，「今天的我打倒昨天的我」，之前話過要關閉IG帳號；又試過開一個新帳號，網民要「食花生」要先付月費，但可能這個方法冇效，之後就繼續活躍於原有帳號至今。

撰文：娛樂組