成軍兩週年｜COLLAR新歌造型又炒車 戰衣淘寶有售 MV其中一幕惹抄Lolly Talk疑雲？

女團COLLAR成軍兩週年，將於3月22日至3月24日在九展舉行首個演唱會。COLLAR趁今日「三八婦女節」推出《Back In The Game》，新團歌於12時在叱咤樂壇首播，下午1時在各大音樂平台上架，而MV則於晚上8時首播。

同場加映：Gi-Force演唱會補場｜炎明熹大學成績表比預期中理想 投入工作未Feel到有追求者

昨晚COLLAR的官方社交網公開《Back In The Game》的宣傳照，相中7位成員身穿銀灰套裝及戴上黑超，擺出pose。不過一如概往，網友對成員的造型彈多於彈，「得罪造型師系列」﹑ 「肯炒咗個Stylish未」、「女團走型格風有好多種，但呢個真係唔得」、「我真係唔明collar有咩得罪公司，每一次styling都好礙眼，真心。」、「遠睇有啲似螳螂……」、「Collar 啲造型無一次令人失望」、「個造型真心搞不掂」、「套衫唔得呀」。亦有人大表期待：「Gao 同 Marf 好型!! 好有character」、「期待Back in the Game」。

COLLAR宣傳照除了被批造型「炒車」之外，亦有網友找出7位成員身上銀灰套裝在淘寶亦有同款，價錢由人民幣46.56起。

此外新團歌MV中的一些片段都惹起熱烈討論，有人在討論區指控拍攝場面疑似抄襲Lolly Talk歌曲《一把火》：「點估到Collar 有一日會淪落成咁，搞到要抄Lolly Talk，仲要抄果首《一把火》。當中有一幕是Candy站在咪陣前，而Lolly Talk在《一把火》中亦有類似鏡頭。網友表示：「好多女團都拍過呢啲勁多枝mic嘅場景」、「而家係咪致敬都唔得先？」、「咪陣呢個concept已經好多人用過」

+17

+16

點擊圖片放大

圖片：網上圖片、IG