藝人越紅，在電視節目出現的次數就會越頻密，這種手法捧藝人都是正常不過手法，都不足為奇。羅天宇近年成為無綫力捧藝人，近來晚上兩線劇《婚後事》和《再見‧枕邊人》都有份演出。可惜，兩套劇卻令觀眾把角色混淆，睇得好混亂。
同場加映：Gi-Force演唱會補場｜炎明熹大學成績表比預期中理想 投入工作未Feel到有追求者
《再見‧枕邊人》由羅子溢、陳自瑤、黎諾懿、賴慰玲、羅天宇及王敏奕主演，羅天宇在劇中飾演金長勝（羅天宇飾），在劇中負責做搞笑擔當的「現代版 Law 霸」，經常陪在晴天（黃智雯飾）身邊，協助她，之後還會追求對方。而在《婚後事》中，就一直做「最強小三」靜海 Mira（王敏奕飾）的「樹窿」，開解對方，同樣是暗戀者，不過就為了滿足自己，就經常在交友App約炮。
羅天宇在兩套劇的造型略有不同，於《再見‧枕邊人》中，羅天宇被塑造紮馬尾Look，配合角色性格，十足一位不覊浪子。而在《婚後事》同樣是短髮，但改了有劉海，感覺較年輕。
曾經參加《香港先生選舉》的羅天宇，在兩套劇內，不約而同有騷Body場面，吸引女觀眾，在《再見‧枕邊人》繼與麥秋成半裸浸桑拿浴後，今晚（8日）一集再度騷肌，以「假狗西裝 look」盡晒麒麟臂兼結實腹肌，造型搞笑充滿周星馳電影感覺。拍攝當日在尖沙咀取景，羅天言笑言都感到尷尬。至於在《婚後事》，於星期三晚一集，就半裸上身，下穿短褲躺在梳化上，展示胸肌，劇情講述他與女約炮後，懶洋洋地在休息中。
羅天宇曾經接受本網訪問時表示，自己從未試過兩線劇都有自己演出：「好彩兩個角色背景、造型等等都好唔同，我都唔太擔心觀眾分唔到。兩套劇都關於愛情，係容易混亂，睇多一個星期就會容易分到。」
不過，昨晚討論區，有網民就投訴謂，「昨晚羅天宇喺便利店打開銀包無錢，我喺度諗做律師都無錢？可唔可以唔好兩套劇黐住同一個人呀」、「搞到好亂」、「我都覺無綫時常有此情況，好混淆」。
另外，亦有網民留意到，羅天宇在《婚後事》在交友App約炮，選擇心水人選圖片中，其中一張疑似《愛回家之開心速遞》一個角色，「羅天宇約炮App入面有張相就係3太（樊亦敏），如果冇睇錯。」不過交友App照片中，全部女仔的樣子經過悉心P圖，疑似3太的女子照片，則刻意變「大眼妹」。
文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
