近日天氣時晴時雨，不想周末仍是逛商場、睇戲、望天打卦等陽光？Hea 在家，自覺人快要發霉，長出野菇。
我決定就近去觀塘商貿區，鴻圖道、巧明街一帶樓上舖，隨意逛發現，北歐及美式工業風家具，韓國新興粧物選擇多，或休閒歎 lunch，甚至出身汗做 gym 亦可。觀塘樓上時光，令陰天的周末心情開懷，不一樣。
第 1 站 KitB 創意早餐工作坊 周末由 DIY 早餐開始
周末應該由靚早餐開始，不要 hea在床等 teatime。
香港人放假寧願瞓多陣，也不早起食早餐，何況動手整早餐﹖但，翻閱剛於 4月出版食譜書《早安，晨之美！讓人快樂的 100 道繽紛早餐》，見到可愛賣相早餐相，又好想 DIY 一次，氹吓自己，或討人歡喜。買書參考以外，亦可參加作者陳凱蓉（Miss KitB）最近開班的創意早餐工作坊，早餐都要學點整，唔喺嘛？老實講，如買本書你未必有時間，依樣葫蘆在家做一次，不如上堂跟 KitB 學更好，有 問有答，學到小秘訣。
2010 年底 KitB 開始早餐大計，自由工作者的她不躲懶，每日 6:30am 起身煮早餐（嘩！），少油、少鹽、冇肉、pancake 不用 cream，非常健康，並為每個早餐拍下照片，至今儲過千張早餐相。
早餐有養營，有賣相，太陽蛋變成小蜜蜂、卡通 pancake、穀物早餐砌到靚，未食見到都開心。她認為早餐是必要的，日 日都要食，整早餐開心又健康，進食靚早餐是一天最好的開始。
KitB 不時參考日本媽媽做卡通便當，平時發掘每樣食物的 可能性。
問她，早餐整得咁靚，真喺捨得食﹖「食㗎，唔係整嚟做咩？」係囉，早餐梗係食㗎啦！
第 2 站 Growth Ring & Supply 尋找美式工業風
Growth Ring & Supply北歐 x 美式工業風型格家居店，登陸觀塘，打造個性居室。
甜美可愛可愛路綫，非你杯茶，可轉向巧明街樓上型格家居店 Growth Ring & Supply。店子主理人 Kenji，與五代十國團隊分開後，3 月開設 Growth Ring & Supply，概括講是賣家具，但不完全是。
他說昔日貨品偏重美式工業風格，着眼於展示外國貨靚嘢，新店想與本地不同品牌合作，互相分享及交流。「店子另售北歐風及戶外家具、lifestyle 書籍、復刻衣着等，選擇多元化。店舖不設框架，容納不 同嘗試，如稍後與髮型師合作，部分空間設 pop up 理髮站，亦與 start from zero 合作 sample sale 活動。」
家具則以 reclaim 及 vintage 為主，reclaim 指以舊物料再重新裝嵌，如某櫃架外表吸引，設計會有少許改良，於印度 工場由工藝師，加裝滾輪等小配件，更user - friendly。
另外，店內布置每兩個月有大變動，展示不同家具組合配搭。
第 3 站 KC Mall 概念旗艦店 怎麼像在明洞掃貨
熱門韓國護膚品及粧物都找到，更可免費歎咖啡，睇海景。
觀塘一直有不少賣化粧品及護膚品樓上店，但可一次過選購 30 多個韓國品牌如 belif、Etude House、3CE、Clio、The History of Whoo（后）或 Sulwhasoo !
粧物及護膚品、韓國 EVISU 服裝、首爾街頭款式首飾，以及望住啟德郵輪碼頭海景，免費歎咖啡，相信只有 KC Mall 觀塘旗艦店。
店子地方開揚， 約 5 千平方呎分美容、潮流服飾、名牌時尚以及餐飲四個區域，購物自在。絲打們最關心價錢，貨比 三家，精打細算。
據知 KC Mall 總公司經營韓國貿易批發生意，取貨以批發價，變相低成本，做到與韓國零售價平手，或
第 4 站 PT pro 唔hardsell健身中心
去工廈樓上 home feel 健身中心，出身熱汗吧。
有別於大型連鎖健身中心，你每次去都擔心被人喪 sell 會籍，甚至不得已簽下合約，PT pro 是間唔 sell 客，冇會員 制，學生有需要才購買課堂的健身中心。
YouTube 網絡紅人及美容 blogger 譚杏藍（小花）話，「有時好驚去健身中心，唔知會閂門迫你簽約。好了，預約教練做 gym，總說 full booking，結果嘥錢，最後未能達成運動目標。我兩位健身教練好友 Paul 及 Edward，他們曾是那些 sell 客 的教練，但不想再埋沒良心，打算開家零sell 客的健身中心，我又有興趣合資，起碼有固定地方做運動，一拍即合開設 PT pro。」
健身中心走 home feel 概念，從室內布置看得出，設梳化椅、餐椅及露天平台，學生可在自在舒適環境做運動， 或傾偈 hea 吓。小花說，試過有學生凌晨放工，教練亦配合半夜上堂至 4am 做gym，有時 Paul 及 Edward 為放工學 生，安排簡單白烚雞肉、青菜等健康晚餐，免費供應。
這些學生為先的貼心服務，可不是一般健身中心做到！
活動資訊
- 地點
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
↓【送禮】送友邦嘉年華門票連代幣400套！↓
↓玩攤位遊戲贏公仔＋體驗機動遊戲！↓
