熱愛優質生活

聖誕影相好去處!8大激靚主題商場(新界區)

2016.11.25
聖誕節就快到!每年聖誕節香港的商場都會大變身,掛上聖誕主題裝飾、巨型聖誕樹,播聖誕歌等等,節日氣氛極濃厚!今年不少商場已經佈置好,化身成多個聖誕遊樂場,預備和大家一齊迎接聖誕,未諗好聖誕節目的朋友不如在下面選一個喜歡的商場,望住靚裝飾邊行街邊影相!
 2016香港聖誕8大影相好去處!
 

第 1 站 將軍澳PopCorn 「浪漫星海」

東京「星光花園」登錄PopCorn!將軍澳PopCorn商場仿照「聖誕十大浪漫景點」之一的東京「星光花園」設計出「浪漫星海」鏡屋裝置,和重要的人一齊走進盒中被千萬顆星星包圍,非常浪漫!影完相仲可以玩埋用近百面巨型鏡子和燈飾組合而成的「炫目鏡迷宮」和「Love to Infinity 測.愛.機」互動裝置,過一個甜蜜聖誕節!

第 2 站 沙田新城市廣場 紫藍色璃光星河

沙田新城市廣場的戶外空中花園每年都會有浪漫燈飾,今年就有一條長300尺的「璃光星河 Milky Way In Town」,紫藍色的星河更有雪花投影效果及水波倒影,十足望到天上銀河,非常浪漫吸引!除了星河之外,還可以將願望寫上星願球放入水中許願,說不定就會願望成真!

第 3 站 屯門市廣場 同迪士尼公主影相

今個聖誕節,六位迪士尼公主由迪士尼走到屯門市廣場,商場用六位公主(白雪公主、灰姑娘、艾莉奧、睡公主、貝兒及長髮公主)的經典故事場景作佈置主題,一次過同六個公主影相之後還可以玩遊戲,非常吸引!

第 4 站 荃新天地 Candy Crush聖誕糖果嘉年華

在電話玩Candy Crush就玩得多,今個假期不如試試玩實體版Candy Crush!荃新天地將Candy Crush經典畫面實體化,除了巨型聖誕糖果池,還有糖果障礙賽、街機版Candy Crush和充氣城堡,玩足一整日!

第 5 站 新都城 Hello Kitty x LINE FRIENDS華麗聖誕舞會

喜歡Hello Kitty和 LINE FRIENDS的話一定要到新都城和他們一齊參加華麗聖誕舞會,Hello Kitty和 LINE FRIENDS因為舞會都特別打扮得非常華麗,大家記得穿靚一點去影相!

第 6 站 荃灣廣場 大口仔加日本景點

想不想和大口仔一齊去日本睇六本木聖誕燈海呢?想的話今個聖誕節只要去荃灣廣場就能滿足你兩個願望!荃灣廣場以日本不同熱門聖誕景點如東京鐵塔、築地等作佈置,更邀請得大口仔一齊遊東京,粉絲不能錯過!

第 7 站 屯門V City  姆明谷代寄聖誕卡

姆明全家總動員今個假期將會現身屯門V City,還會幫大家代寄聖誕卡,非常貼心!大家可以在假期到V City和姆明影相留念,喜歡姆明的朋友之後更可以去期間限定商店買一份聖誕禮物給自己和朋友,另外,只要在12月21日指定時間前到商場放入聖誕卡,商場就會為你代寄,打算寄聖誕卡的朋友要留意!

第 8 站 「小熊學校」現身六個新界商場

日本人氣爆登的小熊Jackie今個聖誕節帶同男朋友小熊David來到新界區商場,包括沙田中心、沙田廣場、屯門時代廣場、粉嶺花都廣場、粉嶺中心、粉嶺牽晴間購物廣場,每個商場都有不同主題的影相位,當中門時代廣場更有一隻全球最高4米小熊Jackie,絕對不能錯過!

內容評分
評語