熱愛優質生活

唔駛再踩沙田大埔!4大靚景易踩單車路線

2017.02.27
天氣逐漸和暖,適合踩單車的季節又嚟啦!如果有得望住個靚景踩單車,相信做運動都會做得特別開心。今次準備了四條路程平坦易踩的單車路線,沿途亦有靚景相伴,由九龍到機場都有,揀定心水路線就可以開始單車之旅。

第 1 站 西九文化區公園 最方便

西九海濱可以飽覽維港對岸景色,場內亦設有一大片草地,環境怡人。除了踩單車,還可以野餐或瞓在草地上好好放鬆一下。

一邊踩單車一邊欣賞維港景色,亦可以在這個綠草如茵的環境下享受慢活。 

於2014年推出的悠遊西九Smart Bike讓大家更方便租用單車,以單車代替腳步,遊走整個海濱長廊。

Smart Bike詳情:

開放時間:星期二至五 2pm - 7pm

                星期六、日及公眾假期 10am - 7pm

收費:需使用智能卡付款,智能卡每張$50,付$40儲值額作租借單車費用,其後每小時$20

 

圖片來源:西九文化區官網

 

 

第 2 站 將軍澳海濱公園 最易踩

將軍澳海濱公園清楚劃分出緩步徑及單車徑,讓單車人士不被行人阻擋,踩起上嚟亦更容易。

沿途可以欣賞到港島東的優美景色,公園內亦種植多棵風鈴木及其他植物,環境優美怡人。一邊踩單車,一邊吹住陣陣海風,十分舒適。大家亦可以由海濱公園作起點,一直踩到日出康城再原路折返,黃昏時景色更動人。

想租單車的話,於將軍澳站、景林村、富康花園、寶盈花園都有單車出租店。 

圖片來源:Google Map

第 3 站 蝴蝶灣 最靚景

蝴蝶灣是香港少有可以沿單車徑直踩到達的單車海灘。大家可以先在湖山單車公園租借單車,再沿著單車徑一直踩至蝴蝶灣,只需十幾分鐘就可以到達。

蝴蝶灣設計甚有外國鄉村風味,一路上都被樹木包圍,可以踩單車向著一望無際的大海前進。

到達蝴蝶灣後,除了可以好好欣賞一下這個具有異國風情的泳灘外,仲可以燒烤、游水,玩足全日都得,黃昏時的日落景色更是動人。 

圖片來源:Google Map 

第 4 站 機場維修區 最具挑戰性

機場維修區一向是熱門的影相打卡勝地,但原來踩單車都可以到達,不過難度就會相對較高,路程亦較長,沿途會有車駛過,所以要特別小心。大家可以先在逸東村租借單車,直踩入機場維修區,大概需要一小時的時間。

單車路途可以欣賞到海景,回程時亦可以睇埋日落,十分寫意。 

路程以平路為主,但沒有單車徑,所以踩在馬路時需要留意一下,注意安全。 

內容評分
評語