又到畢業生搵工的季節，見工前當然唔少得準備一張見得人的求職相。有人會飛到韓國影證件相，但其實香港都有不少包化妝、襯衫、攝影、執相的一站式影樓幫大家影張靚靚見工相，又唔使擔心去到韓國雞同鴨講，收費除開最平$2/張！
第 1 站 閃光機 韓式證件相影樓
早前在旺中開業的「閃光機」吸引不少想影韓式證件相的朋友去試，不過今年初已經搬至灣仔樓上舖！店內提供襯衫、化妝品租借，包拍攝及修圖，全程半小時，1小時後可取相，建議大家提早1-2天前致電預約。
收費：$220/16張(見工相/學生相/證件相均可)，平均每張$13.75
地址：灣仔莊士敦道194號-201號灣仔商業中心9樓901室
電話：5624 3701
價錢：★★★★☆ (5星最抵)
推薦度：★★★★☆ (綜合價錢、服務及取相方便程度，5星性價比最高)
圖片來源：fb@閃光機
第 2 站 天地數碼 價錢最親民
天地數碼係銅鑼灣開業多年，除一般證件相、見工相、學生相外，另有戶外攝影、畢業相等服務。需要大量見工相的朋友可考慮這間，量多價錢平，除開唔洗兩蚊張，不過優惠適用於白色底，其他顏色底要再$50，借衫都要加$40。拍攝後約1-2小時後可取相，建議影相前致電預約。留意，這間不包化妝服務。
收費：$120/66張 (大專生優惠)，平均每張$1.82 ; $99/24張 (大專生優惠)，平均每張$4.13; $148/12張(其他人士)，平均每張12.3
地址：香港銅鑼灣怡和街1號,香港大廈4字樓L室
電話：2892 8600
價錢：★★★★★
推薦度：★★★☆☆
圖片來源：fb@天地數碼
點擊圖片放大
第 3 站 Oppa Noona 一站式韓式證件相照相館
另一間韓式攝影館，同樣提供一站式服務，包括服裝，化妝，攝影及修圖，留意化全妝需額外收費及提前預約。由拍攝到取相只需半小時，效率高，修圖效果亦貼緊較韓式證件相，另可選背景色。
收費：$200/12張 (電腦檔加$50)，平均每張$16.7
地址：銅鑼灣謝斐道460-462號楊耀熾商業大廈15樓
電話：2851 2555
價錢：★★★☆☆
推薦度：★★★☆☆
第 4 站 東方攝影沖印公司 設港式、韓式修圖效果
東方攝影提供港式及韓式影相服務，兩樣均包修圖，港式會作簡單美肌，韓式就可以修埋面形及有大眼效果，任君選擇。雖然無衫及化妝品租借，但勝在價錢相宜，修圖效果亦不錯，拍攝後約半小時至1小時便可取相。
收費：港式$80/12張 ，平均每張$6.7 ; 韓式$130/12張，平均每張$10.8
地址：尖沙咀加連威老道18號僑業大廈３字樓B室
電話：2366 1649
價錢：★★★★☆
推薦度：★★★★☆
圖片來源：fb@東方攝影
第 5 站 Happy Face 化妝師主導的影樓
位於太子的Happy Face是一間以化妝師一手包辦化妝set頭、攝影、執相的一站式影樓，拍攝後可以即日取相。4月29日當日會有二人同行一人價錢優惠，當日即場下單即可享有，拍攝日期可以自選。
收費：$220/12張，平均每張$18.3 (二人同行優惠後，平均每張$9.2)
地址：太子砵蘭街450-454號HQ大廈,10B
電話：6628 6704 (Whatsapp)
價錢：★★☆☆☆
推薦度：★★★★☆
圖片來源：fb@Happy Face
第 6 站 貓頭鷹肖像館 主打影專業求職相
貓頭鷹肖像館主打影CV相，定位為高端肖像攝影工作室，價位較其他5間高，但拍出的效果較為專家，適合想應徵專業工作的朋友。個人照套餐包化妝、髮型及修圖，整個過程約1小時，可任拍多張和多個造型，按照最後選擇滿意的照片計價。留意這一間只有電腦檔，要自行晒相，拍攝後約需3-5個工作天才可取得電腦檔，急住即日用的朋友未必適合。
收費：每人首張$299，多選每張$120
地址：銅鑼灣白沙道18號3F
電話：6167 1803
價錢：★☆☆☆☆
推薦度：★★☆☆☆
圖片來源：fb@貓頭鷹肖像館
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
