坪洲小島美食 6大小店逐間掃

人氣小食「蝦多士」($33)一份切開有4件，外層炸得香口酥脆，粉漿不厚；每件都有原隻鮮蝦切成細粒，混合白汁炸成，口感Creamy，食落像薯蓉味道。

「全日早餐」($52)，有煙肉、炒蛋、美式肉腸、蘑菇、茄汁豆和蒜蓉包；炒蛋香滑，但煙肉略為煎得太乾，涼掉後變得乾硬。

套餐跟一杯飲品，小編加$8轉特飲「Tiramisu味紅豆冰」，紅豆香腍足料，帶Tiramisu咖啡味。

冰室由1970年開業至今，直到近年店面經過翻新，換上簇新座椅和餐具，店內裝潢變得摩登。

營業時間：星期二至五8am - 4pm、星期六日及公眾假期8am - 4:30pm

地址：坪洲永安街3號地下B舖

人氣「公司炒通」選用坑紋通粉，一如其名，配料應有盡有，有牛肉、叉燒、火腿、腸仔、餐肉和芽菜，味道跟乾炒牛河相似，但炒通粉就較少見。

「美式什扒鐵板餐」($52)同樣非常豐富，整塊鐵板熱辣辣上，食物堆得像個小山，有牛扒、豬扒、雞翼、腸仔、煙肉、蛋和粗薯條，以這個價錢來說非常抵食，而且肉質不錯，食肉獸不妨一試！

還有小食「吉列石斑多士」($22)，石斑魚薄身大塊，Size媲美底下的方包，麵包烘得香脆，蘸上沙律醬更滋味。

地址：坪洲永興街15號地下

街坊至愛炸物店，主打多款炸物串，十蚊有交易。老闆特別推介「蘿蔔餅」($8)，內餡非常足料，咬開有滿滿香蔥及紅蘿蔔。

家鄉炸糯米球($7)，用粉漿包裹糯米飯，再炸成小圓球，糯米香糯帶脆口。

「炸魷魚」($9)一串有5條，外脆內軟，魷魚鬚屬幼身，帶微微辣味。

至於馳名「炸蝦餅」，兩大原隻蝦炸成，賣相吸引，則因正處休漁期沒新鮮蝦而暫停供應，大概踏入九月份才恢復供應。

現場不設座位，全部外賣拿走食。

地址：坪洲志仁里2B 號地下

台式糖水有多達14款配料選擇，包括仙草凍、柚子及綠茶果凍、爆珠、海草粒、咖啡及綠茶點子、紅豆等，人氣有柚子果凍，味道酸甜清新。

糖水以外賣圓碗上，$25/小，任選4款配料；$36/大，任選6款配料。

小編還點了一杯「榴槤布甸椰汁西米露」($40)，從杯底數起有榴槤布甸、榴槤肉、椰奶和西米露；陣陣濃郁榴槤香，飲前略為攪碎榴槤肉味道更佳。

營業時間不定，但週末來到有機會嘗到老闆自家製芋圓，如怕摸門釘可先致電91239544查詢。

地址：坪洲永興街8A地下

坪洲居民一定認識的士多，內有售賣各款客家茶果；馳名的有「缽仔糕」($6)，口感結實爽身，運氣好的話更有機會食到「芝麻味缽仔糕」。

另外還有「南瓜甜茶果」($6)以及「眉豆鹹茶果」($6)，茶果全在蒸爐拿出暖笠笠；質地煙韌軟糯米內有紅豆蓉餡，不太甜。

「雞屎藤」茶果採用傳統客家做法，煙韌彈牙，沒有草青味。

地址：坪洲永興街4C地下

充滿舊風味的麵包舖，出名自家製「南乳芝麻餅」($3/塊)，薄薄餅上佈滿白芝麻，餅乾脆身，但南乳味不太突出。