貓奴最開心就當然是見到主子，如果可以被一大班主子圍住就更加幸福啦～其實香港有不少以貓星人做主題的地方，不但有得玩有得食，部分地方更有萌爆貓咪精品出售，等你可以帶主子回家日對夜對！以下就為各位貓奴精選了4個香港貓貓主題好去處，簡直是貓奴的天堂和樂園。特別是如果因為種種原因的而無法養貓的朋友，放假都可以去探下貓咪店長，同貓咪近距離接觸和玩遊戲；另外喜歡影相的話亦可以去和貓貓影相打卡，不過玩時玩，記得要尊重貓咪，不要嚇親牠們呀！
第 1 站 Let's VR3 和貓咪店長玩過百款VR
Let's VR3 位於觀塘的Let's VR3場內有過百款VR遊戲提供俾大家玩，包括獨木穚遊戲、喪屍遊戲、Dark Legion、Fruit Ninja等。除了玩VR之外，場地不時會有2隻貓咪店長坐鎮，和你一齊打機！現時Let's VR3推出２人同行優惠，只需$68就可以任玩，不過店長未必日日得閒巡視業務，想見店長記得預約時講定！
地址及詳情：http://hk.ulifestyle.com.hk/spot/detail.html?id=ABdGDVo0Bw9ZFQNi
第 2 站 青年廣場Ｙ旅舍 貓星人襲地球主題房
青年廣場Ｙ旅舍早前邀請了插畫師設計主題套房，其中一間就以貓星人襲地球為主題，整間房都是坐住太空船來地球的貓星人，更有夜光效果，非常適合貓奴約埋一班朋友去開party影相打卡！
地址及詳情：http://hk.ulifestyle.com.hk/activity/detail.html?id=ABJGD1o1Bw9ZEgNv
第 3 站 喵星球貓咪主題樂園 邊嘆花茶邊和貓星人玩
喵星球貓咪主題樂園內有多隻可愛的貓咪，大家可以和牠們玩玩具，影下相，不過貓星人不太喜歡被人抱起，大家記得玩時玩，都要尊重貓咪，不要抱起牠們。而店內亦有飲品提供，玩到攰可以飲杯花茶休息一下～
第 4 站 人氣貓貓寫真展 萌爆寫真加喵店
場地展出了大量貓貓寫真，大部分是貓咪休息時的樣子，非常治癒。另外亦有一間期間限定店和多個影相位，展覽期有限，各位貓奴要把握機會去朝聖！
地址及詳情：http://hk.ulifestyle.com.hk/activity/detail.html?id=ABJGD1o7Bw1ZEgNq
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送和風餐具禮品套裝！↓
↓ 分享#秋日推介，贏走獎品！↓
↓【限時搶】Let’s Relax Ear專業採耳按摩套餐！↓
↓ 為港人度身訂造！ / 體驗雙耳被喚醒的感覺！ ↓
