【香港仔好去處】$60玩盡香港仔+鴨脷洲！艇仔粉/素翅撈飯/日落

去到香港仔一帶當然要試試地道艇仔粉啦！以前想食艇仔粉只可以靠運氣，不過現時流記艇仔粉就提供電話，去之前可以打電話確認位置，唔會白去一場！艇仔粉用了梭羅魚及大地魚熬製的湯底，味道鮮甜，配料就有燒鴨、魚蛋、紅腸等等，$28就食到一碗，足料又有風味！

食完艇仔粉就可以直接在碼頭搭街渡去鴨脷洲，沿途仲可以欣賞到港灣景色，吹下海風，好舒服！船費方面大人$2.2，小童$1.2。

去到鴨脷洲當然要去掃街，鴨脷洲大街有好多平價小食，心水推介愛。小食$19就有一碗素翅撈飯，份量都唔少。而附近友和士多仲有多款懷舊小食，$5砵仔糕、$3茶果，好抵食！

食飽就要運動一下，出發去香港仔附近的南朗山睇靚景！沿著南朗山道上去，就會見到上山的樓梯。沿途行上去可以遠望海洋公園，到達後仲可以望到鴨脷洲海景和港灣一排排的船，途中亦可以到南朗亭休息，舒服寫意！記得等到黃昏時間睇埋日落美景先走！