【尖沙咀好去處】$68玩盡尖沙咀 海景日落/紅磚塔/主題cafe

訊號山花園位於緬甸臺，花園入面有棟以紅磚造成的訊號塔，古典味十足，早年更被政府列為2級歷史建築。訊號塔現時已對外開放，參觀時間為上午９點到下午１１點及下午４點到下午６點。入面有條長樓梯，上到塔的最高處仲可以欣賞下附近的風景。提提大家參觀時記得小心不要破壞建築呀～

行完花園可以去明信片主題cafe「香港郵意」醫下肚，café裝修特別，多處都用明信片布置，店內仲有多款具香港特色的明信片售賣。Café 最近正推出放題優惠，晚上8:30後就可以$68食甜品放題，優惠期暫時到6月15日為止，鍾意食甜品的朋友仔記得唔好錯過。

食飽可以去在文化中心露天廣場舉行的保良市集，市集包括不同種類的攤檔，手作傳統工藝，精品等等。在6月份，市集分別會在17號同24號舉行，有興趣的朋友仔唔好錯過～

行到攰可以去位於海港城天台的觀景台睇日落以完結一整日的行程。觀景台有一片小草地，大家可以悠閒地坐在草地睇日落，而且仲會望到港島全景添！