【石硤尾好去處】$50石硤尾一日遊！越式撈檬+新鮮果汁+嘉頓山日落夜景

香茅豬扒撈檬（$30），伴有青瓜絲、生菜絲、薄荷葉、乾蔥、花生粒等。豬扒夠香脆厚身，淋上秘製越式魚露，入口酸酸甜甜，十分開胃！

地址：石硤尾偉智街38號福田大廈地下63號舖

石峽尾的一間特色即榨果汁店，以車仔麵的形式經營，客人可以自行配搭車仔果汁，由茶底>水果>調味都可以由自己自由挑選，新鮮水果包括菠蘿、火龍果、奇異果、香蕉、香橙、西瓜、蜜瓜、木瓜等等，自選1-3款，最平$20就可以買到細杯果汁。店面裝修充滿本土文化特色，可以順便係度影返張相打卡！

地址：石硤尾偉智街38號福田大廈地下65號舖

呢度有間賣平價蛋撻既餅店，可以選擇酥皮或曲奇餅皮，$3就可以買到個蛋撻，好抵食呀！

地址：石硤尾南昌街237號地下G6A及G6B號舖

食完野可以行上嘉頓山，順著美荷樓青年旅舍的晨運徑走，沿梯級行大約15分鐘就去到。登上山頂俯瞰深水埗城市景色，黃昏6-7點係欣賞日落既最佳時機，夜景亦十分美，想影靚相的話就千祈唔好錯過呢個景點啦～