【觀塘好去處】$80觀塘工廈一日遊!葱花蛋多士/芋圓刨冰/掃零食

文: Eunice Lam
2018.09.07

觀塘工廈林立,除了有好多Party Room之外,其實仲有唔少美食及玩樂影相的好去處。今次就帶大家平遊觀塘,用$80就可以食盡加玩盡全日,大家不妨趁假日約埋三五知己去觀塘遊玩啦!

第 1 站 海潮食堂 $25 葱花蛋多士/阿華田魔鬼多士

觀塘成業工廈有間隱蔽的食堂,價錢便宜又好食,最出名係即叫即製的多士,以下推介兩款必叫既$25多士:

招牌葱花蛋多士($25)

葱花蛋厚身足料,而且炒得好滑。三文治烘得剛剛好,外脆內軟,每塊中間更塗了牛油,使味道充滿層次感!

魔鬼奶油多士($25)

鐘意甜食既朋友可以考慮叫呢款邪惡組合的魔鬼多士,表層灑上大量阿華田粉同砂糖,中間夾著大片牛油,旁邊更可沾上煉奶一齊食,真係好食到令人停唔到口呀!

地址:觀塘成業街19-21 號成業工業大廈地下G6 號舖

第 2 站 青木町 $50任掃5款日本零食

食完野可以來到呢間零食店掃平貨,最平10蚊就可以任掃日本零食,店內仲有得買$16人氣雪糕窩夫,好抵呀!受歡迎既有草莓牛奶味,可以食到粒粒草莓果肉,酸酸甜甜十分開胃!

地址:觀塘開源道60號駱駝漆大廈3期8樓M室

第 3 站 龍鳳號 姐姐涼麵+傳統黑糖刨冰

來到充滿懷舊風味的台式餐廳食個下午茶,推介兩款適合夏天既涼品。姐姐涼麵($38),涼麵伴青瓜絲加上芝麻醬,好岩係夏天食。另外下午茶加$15送傳統黑糖刨冰,上面的芋圓煙煙靭靭,仙草十分滑身,清涼解渴!

地址:觀塘駿業街56號中海日升中心2樓B鋪

第 4 站 裕民坊工廈天台 遊覽MV拍攝地

這裡曾經作為〈經過一些秋與冬〉MV拍攝地,有不少影相位。經樓梯行上天台可以望到列車駛過一刻,一棟棟的懷舊建築物及工廈映入眼簾,讓人感受到城市的繁囂面貌。

地址:裕民坊工廈天台

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【限時搶⚡】位元堂養生花茶系列!↓

↓ 選用優質草本成分!/ 無添加香料同防腐劑!↓

↓ 選用優質草本成分!/ 無添加香料同防腐劑!↓