【觀塘好去處】$80觀塘工廈一日遊！葱花蛋多士/芋圓刨冰/掃零食

觀塘成業工廈有間隱蔽的食堂，價錢便宜又好食，最出名係即叫即製的多士，以下推介兩款必叫既$25多士：

招牌葱花蛋多士($25)

葱花蛋厚身足料，而且炒得好滑。三文治烘得剛剛好，外脆內軟，每塊中間更塗了牛油，使味道充滿層次感！

魔鬼奶油多士($25)

鐘意甜食既朋友可以考慮叫呢款邪惡組合的魔鬼多士，表層灑上大量阿華田粉同砂糖，中間夾著大片牛油，旁邊更可沾上煉奶一齊食，真係好食到令人停唔到口呀！

地址：觀塘成業街19-21 號成業工業大廈地下G6 號舖

食完野可以來到呢間零食店掃平貨，最平10蚊就可以任掃日本零食，店內仲有得買$16人氣雪糕窩夫，好抵呀！受歡迎既有草莓牛奶味，可以食到粒粒草莓果肉，酸酸甜甜十分開胃！

地址：觀塘開源道60號駱駝漆大廈3期8樓M室

來到充滿懷舊風味的台式餐廳食個下午茶，推介兩款適合夏天既涼品。姐姐涼麵($38)，涼麵伴青瓜絲加上芝麻醬，好岩係夏天食。另外下午茶加$15送傳統黑糖刨冰，上面的芋圓煙煙靭靭，仙草十分滑身，清涼解渴！

地址：觀塘駿業街56號中海日升中心2樓B鋪

這裡曾經作為〈經過一些秋與冬〉MV拍攝地，有不少影相位。經樓梯行上天台可以望到列車駛過一刻，一棟棟的懷舊建築物及工廈映入眼簾，讓人感受到城市的繁囂面貌。

地址：裕民坊工廈天台