正在閱讀
【上環好去處】上環壁畫街影相半日遊 歎樽仔奶茶/蛋牛包/榴槤蛋撻

【上環好去處】上環壁畫街影相半日遊 歎樽仔奶茶/蛋牛包/榴槤蛋撻

2018.09.01

提起上環,不少人都想起大館、文青打卡Coffe shop、文化展覽等地點活動,該區絕對稱等上是個文化集中地。除此之外,上環仲有好多美食和地點值得一遊,今次就帶大家到上環來個悠閒半日遊,到咖啡室歎樽仔奶茶、蛋牛包和西多士,到壁畫街影相打卡,再歎埋榴連蛋撻,最後到海濱長廊欣賞維港景色。

第 1 站 瑞記咖啡 歎樽仔奶茶+蛋牛包

位於上環市政大廈熟食中心內的瑞記咖,開業多年,屬區內有名的食店。店內的樽仔奶茶($16)相當出名,是不少食客必叫的名物,飲落香滑,奶味香濃。另外蛋牛包($16)和西多士($25)同樣值得一試。蛋牛包中夾著煎蛋碎牛,食落外脆內軟;沾滿蛋漿煎香的西多士,食落香口,最啱配樽仔奶茶一齊食!

 

地點:上環市政大廈2樓熟食中心17號舖

營業時間:星期一至六 7:30 am– 5pm/星期日全日休息

第 2 站 遊走壁畫街細看老街塗鴉

上環的太平山街、四方街、西街及水池巷一帶,有不少創意藝術街頭壁畫,故有壁畫街之稱。多種風格的壁畫都有,全部設計特別,可以慢慢影相打卡。由於壁畫神出鬼沒,有可能在店舖旁、後巷或鐵閘上,有心人需要慢慢尋寶,先可以搵出壁畫,所以好適合花一個下午在附近遊走。

 

地點:太平山街、四方街、西街及普慶坊;部分於城隍街、荷李活道

第 3 站 酥妃皇后 熱辣辣榴槤蛋撻

行完街當然要歎小食休息一下!主打酥皮蛋撻的酥妃皇后,於上環設有分店。愛食榴槤的朋友,可以一試店內的榴槤蛋撻($18),酥皮鬆脆,榴槤香濃。不愛食榴槤的朋友,可以一嚐芝士蛋撻$18或原味蛋撻($10),一樣香脆好味。


地點:上環蘇杭街2-24號啟豐大廈地庫5號舖

營業時間:星期一至六 11:30am – 7pm/星期日全日休息

第 4 站 上環海濱長廊散步 花園草地睇日落美景

最後食完野可以到海濱長廊散步,可以欣賞到維港景色,沿路散步至中山紀念公園,仲有花園草地等悠閒美景,適合消磨時間外,日落時份仲欣賞

地點:上環海濱長廊、中山紀念公園

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠