【荃灣好去處】荃灣壁畫村美食一日遊 芝士醬班戟/滿瀉海膽飯

文: Toby Mok
2018.10.07

周未最好就是到處走走,肚餓就去食吓嘢,今次小編就帶大家去出名多嘢食的荃灣食滿瀉海膽丼飯、近排大熱的芝士醬梳乎厘班㦸等等,仲可以去位於光板田村的小壁畫村,大部分都是由義工小朋友幫手畫架,大家可以去影靚相,過個影相美食一日遊。

第 1 站 光板田村

第一站可以先去光板田村影靚相,村內的壁畫大部分都是由義工小朋友幫手畫。長長彩虹樓梯2旁有好多可愛的壁畫,富有小村落色彩,現場仲有1個彩色小屋壁畫可以俾大家慢慢影相添。

 

溫馨提示:壁畫村位置比較接近民居,所以大家去影相的時候記得降低聲浪,以免對居民造成影響。

地址荃灣光板田村二段

 

第 2 站 爆丼屋

影完相可以去食午餐,爆丼屋主打足料刺身丼飯,個個飯都好多料,海膽鋪滿成個飯面,喜歡食海膽的朋友唔好錯過啦。除了有各種各樣的刺身丼飯之外,鍾意食肉的朋友仲可以試吓鵝肝安格斯牛肉丼飯,口味特別。

 

店鋪資料:爆丼丼

地址:荃灣河背街72號


 

第 3 站 Aroma Dessert Cafe

食完正餐當然要食埋甜品,這間小店cafe就有近排大熱的梳乎厘班㦸,價錢公道,叫幾樣甜品同閨蜜一齊share食就最適合。芝士醬班㦸雖然厚身,但空氣感十足,夠哂鬆軟,淋埋芝士醬落去班㦸度一齊食,味道都幾夾,芝士醬味道不算太濃,不喜歡吃芝士的朋友都可以試吓。另外,店鋪亦有比軟特別的培茶心太軟,比起抹茶口味,培茶口味茶味更濃而且冇咁甜,不會太膩。

 

店舖資料:Aroma Dessert Cafe 

地址:Shop B, G/F Lau Keung Building, 42 Hou, Hau Tei Square, Tsuen Wan


 

第 4 站 嘉樂冰室

最後可以食埋厚切蛋牛治,三文治內的雞蛋好厚,非常足料。另外仲可以試埋巨型蛋奄列,奄列用4,5隻蛋製成,比平常的茶餐廳更足料。

 

店鋪資料:嘉樂冰室

地址:荃灣新村街40B號


 

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓