【大圍好去處】大圍美食單車一日遊！超滑腸粉/日式飯團/芝麻梳乎厘

坤記腸粉是住沙田大圍朋友必食的小店之一，店面雖細，但港式小食齊全，包括有腸粉、糯米雞、蘿蔔糕、粉果、咖哩魚蛋、碗仔翅、生菜魚肉、炒米粉、滷水豬大腸等，而且價錢便宜！今次就食十分出名的超滑腸粉，加埋豉油、花生醬、甜醬、辣醬、芝麻，$10/4條或$12/6條，抵食又好味！

地址：大圍積富街石屋 (港鐵大圍站A出口，步行約4分鐘)

屋子咖啡是一間混合台式及日式的cafe，裝潢設計以木為主，牆壁掛上畫作，整體感覺十分舒適悠閒。 主食點了鹽味鮭魚飯團及日替飯團，飯團不會鬆散，日替飯團加了栗米及冬菇；而鹽味鮭魚飯團的鮭魚味道適中，不會太咸。

甜品就點了黑芝麻梳乎厘，配上紅豆香草雪糕，梳乎厘口感綿密，充滿芝麻香。

地址：大圍積信街49號安信樓地下P號舖 (港鐵大圍站A出口, 步行約5分鐘)

秋高氣爽，最啱去踩單車！大圍站附近有幾間租單車店，食飽就可以去踩單車，由大圍港鐡站出發沿沿著單車徑可以踩去沙田及大埔，沿途可以吹下海風，欣賞日落河岸景色。不想踩單車的話，亦可沿著城門河岸慢慢散步。

單車店地址：大圍積壽里1-3號 (港鐵大圍站A出口)