正在閱讀
【大圍好去處】大圍美食單車一日遊!超滑腸粉/日式飯團/芝麻梳乎厘

【大圍好去處】大圍美食單車一日遊!超滑腸粉/日式飯團/芝麻梳乎厘

2018.10.28

秋高氣爽,周末放假最啱就係約埋三五知己出街周圍遊,今次帶大家去大圍覓食同玩!大圍其實好多好嘢食,食勻超滑溜腸粉、日式飯團及甜品梳乎厘。再沿著河岸踩單車或散步,吹下海風欣賞日落美景,一齊嚟睇下推介路線啦!

第 1 站 坤記腸粉 超滑溜腸粉

坤記腸粉是住沙田大圍朋友必食的小店之一,店面雖細,但港式小食齊全,包括有腸粉、糯米雞、蘿蔔糕、粉果、咖哩魚蛋、碗仔翅、生菜魚肉、炒米粉、滷水豬大腸等,而且價錢便宜!今次就食十分出名的超滑腸粉,加埋豉油、花生醬、甜醬、辣醬、芝麻,$10/4條或$12/6條,抵食又好味!

地址:大圍積富街石屋 (港鐵大圍站A出口,步行約4分鐘)

第 2 站 屋子咖啡 日式飯團&黑芝麻梳乎厘

屋子咖啡是一間混合台式及日式的cafe,裝潢設計以木為主,牆壁掛上畫作,整體感覺十分舒適悠閒。 主食點了鹽味鮭魚飯團及日替飯團,飯團不會鬆散,日替飯團加了栗米及冬菇;而鹽味鮭魚飯團的鮭魚味道適中,不會太咸。

甜品就點了黑芝麻梳乎厘,配上紅豆香草雪糕,梳乎厘口感綿密,充滿芝麻香。

地址:大圍積信街49號安信樓地下P號舖 (港鐵大圍站A出口, 步行約5分鐘)

第 3 站 踩單車 日落河岸景色

秋高氣爽,最啱去踩單車!大圍站附近有幾間租單車店,食飽就可以去踩單車,由大圍港鐡站出發沿沿著單車徑可以踩去沙田及大埔,沿途可以吹下海風,欣賞日落河岸景色。不想踩單車的話,亦可沿著城門河岸慢慢散步。

單車店地址:大圍積壽里1-3號 (港鐵大圍站A出口)

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠