【野餐好去處】全港10大野餐靚景推介 市區都有大草地！

位於山頂廣場附近的山頂公園，相信大家都不陌生。公園內的維多利亞式建築物和大草原，除了吸引不少人來影婚紗相外，更是港人秋日野餐熱點。

交通方法：

中環交易廣場巴士總站乘15號巴士，約35分鐘／港鐵香港站公共運輸交匯處搭1號綠色小巴，約25分鐘；再沿山頂廣場旁邊的柯士甸山道往上走，約20分鐘

 位於西營盤的中山紀念公園，是港島市區中難得的開揚大草地。廣闊的環境適合野餐，入口處有孫中山先生石像外，附近亦有海濱長廊可以散步，一邊行一邊欣賞到維港景色。

交通方法：西營盤站A2出口步行約6分鐘

迪士尼附近的迪欣湖，是不少人的選擇的野餐地。地點遠離市區夠寧靜，湖邊適合野餐外，仲有不少打卡位。但要留意，開放時間為早上9點班晚上7點。

佔地約6.3公頃的佐敦谷公園，絕對是區內不少人野餐的好選擇，除了有大草地可供大家野餐之外，仲有不少遊樂設施，如迷宮花園，搖控車場和兒童遊樂場，最啱一家大細去。

觀塘區另一野餐熱點，就是開幕只有3年的觀塘海濱花園，位置方便，仲可以飽覽港島東海景。

西九海濱長廊有海景之外，仲歡迎寵物入內，周末可以帶埋寵物一齊去野餐。這裡仲會定期舉辦活動，包括有市集、藝術、音樂表演等，在草地野餐同時可以欣賞精彩節目。

同樣可以帶寵物入園的仲有彭福公園！作為全港數一數二的狗狗公園，是不少愛狗之人的選擇，可以帶同愛犬一齊玩，如果你有養寵物的話，不妨可以選擇這個寵物天堂。但記住出發前需要確認開放時間，以免與賽馬日相撞。