【中環好去處】中環大館+塗鴉樓梯半日遊 歎大排檔蜜糖脆脆/糖不甩/蕃茄麵

2018.11.11

講起中環,除了行街Shopping之外,就會想起大館和PMQ元創方等文化地點,定期有展覽和表演舉行,仲有不少影相位。而且PMQ和大館附近都有很多美食,例如老字號大排檔及地道風味小店,有興趣不妨參考以下路線,mark實地址和詳情,約埋朋友來個中環半日遊。

第 1 站 勝香園

位於中環美輪街的勝香園,充滿港式街邊大排檔風味,而且價錢親民,深受本地人及遊客歡迎。店內的招牌蕃茄碎牛炒蛋麵($30),有滿滿的蕃茄肉湯底,配料份量十足。另外亦有餐肉、香腸、鮮牛肉等選擇。

 

牛油檸檬汁蜜糖脆脆($18)炸至金黃色的外層非常香脆,配上檸檬的酸味和蜜糖甜味很夾,值得一試!

 

地址:中環美輪街2號排檔

營業時間:星期一至六: 8am-5pm

即睇全文介紹

第 2 站 大館

食飽當然要去散步,第二站帶大家來到大館。大館開放後,吸引不少人到場參觀,變身成中環全新的文化消閒點。除了是英式建築外觀吸睛,更展示了有關上世紀監獄的情況,如膳食和監倉運作等,亦不時舉辦文化表演及展覽。

 

大館內各處仲有多個影相位,行完展覽睇完表演,仲可以慢慢影相打卡!

 

地址:中環荷李活道10號

開放時間:11am - 11pm


即睇全文介紹

第 3 站 玉葉甜品 

有百年歷史的玉葉甜品是區內有名港式甜品店,位於士丹頓街的小巷內,同樣港式傳統大排檔的代表之一。店內的糖水小食,受本地人歡迎,招牌的糖不甩($13)口感煙韌軟身。冰涼的海帶綠豆沙($14)好啱夏日消暑,另有熱食選擇。芝麻糊($13)帶有杏仁味,甜度適中,愛食芝麻糊的朋友可以一試。

 

地址:中環蘇豪伊利近街2號

營業時間:星期一至五1pm-11pm

第 4 站 公利

公利作為香港的老字號小店,陪伴區內街坊成長。店內的蔗汁($14杯/$38支)清甜滋潤,好適合入秋天時飲返杯。另有蔗汁糕($16)帶有淡淡蔗汁味,相比蔗汁的甜度較低。

 

地址:中環蘇豪荷李活道60號地下

營業時間:星期一至日11am-11pm

第 5 站 PQM元創方塗鴉樓梯

PMQ元創方除了有設計小店、展覽及文化節目外,早前主辦更推出「HONG KONG ON STEPS: Tales of Our City」活動,將建築內的20多條樓梯,變身成不同主題的塗鴉樓梯。由10組香港藝術家及1組南韓藝術家繪畫,主題多元化,由地道美食到藝術家創作的心路歷程都有,最啱去影靚相打卡。

 

地址:PMQ元創方一至四號樓梯及八號樓梯

開放時間:7am-11pm

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓