【荃灣好去處】荃灣平價掃街影相半日遊 $10三文魚手卷/$3芝麻豆花

首先帶大家去掃平價小食，第一間就有主打各種吉列三文治的小食店。吉列鰻魚三文治（$28），外層的麵包炸到脆卜卜，餡料有鰻魚、沙律醬同蟹子，味道特別，不過略嫌鰻魚份量不夠多。

店舖：食道 街頭小食

地址：荃灣荃興徑8號昌泰大樓地下4號舖

之後就可以試埋售賣多款日式手卷的小食店。店鋪主打平民價，好多手卷都$20有找，炸蝦手卷、三文魚手卷、三文魚腩手卷、甜蝦手卷等等全部只賣$10-$15！雖然價錢平，但配料十足，$10一個三文魚卷都鋪滿整個飯面，性價比高。

店鋪：SAKURA桜手卷

地址：荃灣荃興徑8號昌泰大樓地下4B號舖

仲未夠飽的話可以食埋最近做緊期間限定優惠的豆腐花。熱辣辣、每日新鮮製造，無論單點抑或雙拼的腐花都只售$3！作為飯後甜點就最適合啦。

店舖：亞玉豆腐花

地址：荃灣荃興徑6號昌泰大廈地下5B舖

圖片來源：亞玉豆腐花

掃完街就可以去三棟屋博物館參觀，博物館內展出多款關香港不同藝術文化的展品，連中秋節的舞火龍都完整地展出，大家可以近距離欣賞舞火龍的結構，非常壯觀。場內亦有重現8、90年代港式茶餐廳的樣貌，大家可以影靚相之餘仲可以順便認識香港以前茶餐廳的文化。

地址：荃灣古屋里二號