正在閱讀
【紅磡好去處】紅磡9大掃街美食推介!流心芝士雞扒/北京烤鴨煎餅/彩虹薯條

【紅磡好去處】紅磡9大掃街美食推介!流心芝士雞扒/北京烤鴨煎餅/彩虹薯條

2018.11.24

紅磡區一向都係平民美食天堂,食店選擇又多又抵,而自從黃埔地鐵站通車之後想去紅磡搵食就更加方便!今次就帶大家去到紅磡掃街,食勻9大精選美食,當中包括有流心芝士雞扒、北京烤鴨煎餅、熱辣辣足料班戟等等,一定滿足到一班為食貓朋友。而且全部食店都鄰近地鐵站,只需要行幾分鐘就去到,放假記得要約埋朋友一齊出動食番夠本啦!

第 1 站 Max See 新開茶飲店試芝士奶蓋飲品+麵包

最近唔少香港人都鍾意北上飲喜茶、奈雪之茶等,紅磡最近就新開了一間茶飲店,同樣提供芝士奶蓋、 果茶等飲料及新鮮出爐麵包,而且店舖仲設有座位,大家可以去嘆茶食包~

 

期間限定芝芝咩桃桃($38),芝士奶蓋味突出。另外店舖每日都會有不同款式的新鮮出爐麵包,拍攝當日就試食了抹茶心願($24),抹茶味軟包入面有紅豆餡料,口感一流。

 

店舖仲有另一主打芝芝熔岩蛋糕($1386吋),賣相一流,不過想食的朋友記得要早一日預訂!

 

地址:紅磡蕪湖街831A-1B地舖(港鐵黃埔站 B 出口步行約5分鐘)

營業時間:星期一至日 11:30 - 23:00


圖片來源: ig@maxsee_hk

 

第 2 站 ICONICH特色熱狗店 熱溶芝士熱狗/薯條

ICONIC H特色熱狗店以熱溶芝士熱狗最出名,推介雙囍狗($48加入了大量芝士,配埋兩條熱狗腸及菠蘿,味道酸酸甜甜唔會太膩,而且$48就食到,好抵食!

 

除了有最出名的熱狗之外,仲有小食揀, 當中彩虹薯條($55配有7種醬料包括熱溶芝士、芥辣等等,一次試晒多種口味。

 

地址:紅磡必嘉街97號黃埔唐樓C106A舖(港鐵黃埔站B出口,步行約6分鐘)

營業時間:星期一至日 11:00 - 21:15

第 3 站 魔法雞排 手掌大流心芝士雞扒

去台灣夜市必定會去食炸雞扒,不過唔使去到台灣咁遠,紅磡都有一間特色雞扒店,除了普通炸雞扒之外,仲有一款流心芝士雞扒($30),手掌大的炸雞扒包住暖暖的流心芝士,好邪惡!雞扒即叫即炸,食的時候中間的流心芝士會湧出,所以記得要慢慢食啦!

 

另外仲有一款芝士條($30),芝士條非常鬆脆,咬開入面放滿芝士,芝士迷可以試試~

 

地址:紅磡德民街1-15號黃埔新邨地下A4A號舖(港鐵黃埔站 B 出口,步行約3分鐘)

營業時間:星期一至日 11:30 - 23:30

 

 

第 4 站 煎餅廚房 北京烤鴨煎餅加薄脆

煎餅廚房即叫即整多款特色口味煎餅,心水推介北京烤鴨煎餅($36),煎餅加埋烤鴨絲、京蔥絲、青瓜片、甜醬,味道好夾,另外仲可以加薄脆,口感更豐富!叫完仲可以到外面望到整個煎餅製作過程,去開不妨一試!


地址:紅磡蕪湖街83號地下7號舖(港鐵黃埔站 B 出口,步行約5分鐘)

營業時間:星期一至四13:00 - 22:00/星期五至日 11:00 - 22:00

 

第 5 站 紅磡雞蛋仔 熱辣辣芒果/肉鬆班戟

 

紅磡雞蛋仔可以話係區內老字號小食店,除了著名的雞蛋仔之外,班戟亦值得一試!鍾意甜食的話可以試試芒果班戟($18,超足料芒果加上沙律醬酸酸甜甜好開胃。另外仲有肉鬆班戟($11同樣份量十足,熱辣辣食味道一流。

 

地址:紅磡大沽街寶利閣2號舖(港鐵黃埔站 B 出口,步行約4分鐘)

營業時間:星期一至三/星期五至日 12:00 - 20:00星期四全日休息

 

 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠