【紅磡好去處】紅磡9大掃街美食推介！流心芝士雞扒/北京烤鴨煎餅/彩虹薯條

最近唔少香港人都鍾意北上飲喜茶、奈雪之茶等，紅磡最近就新開了一間茶飲店，同樣提供芝士奶蓋、 果茶等飲料及新鮮出爐麵包，而且店舖仲設有座位，大家可以去嘆茶食包～

期間限定芝芝咩桃桃（$38），芝士奶蓋味突出。另外店舖每日都會有不同款式的新鮮出爐麵包，拍攝當日就試食了抹茶心願（$24），抹茶味軟包入面有紅豆餡料，口感一流。

店舖仲有另一主打芝芝熔岩蛋糕（$138／6吋），賣相一流，不過想食的朋友記得要早一日預訂！

地址：紅磡蕪湖街83號1A-1B地舖（港鐵黃埔站 B 出口步行約5分鐘）

營業時間：星期一至日 11:30 - 23:00

圖片來源: ig@maxsee_hk

ICONIC H特色熱狗店以熱溶芝士熱狗最出名，推介雙囍狗（$48）加入了大量芝士，配埋兩條熱狗腸及菠蘿，味道酸酸甜甜唔會太膩，而且$48就食到，好抵食！

除了有最出名的熱狗之外，仲有小食揀， 當中彩虹薯條（$55）配有7種醬料包括熱溶芝士、芥辣等等，一次試晒多種口味。

地址：紅磡必嘉街97號黃埔唐樓C座106A舖（港鐵黃埔站B出口，步行約6分鐘）

營業時間：星期一至日 11:00 - 21:15

去台灣夜市必定會去食炸雞扒，不過唔使去到台灣咁遠，紅磡都有一間特色雞扒店，除了普通炸雞扒之外，仲有一款流心芝士雞扒（$30），手掌大的炸雞扒包住暖暖的流心芝士，好邪惡！雞扒即叫即炸，食的時候中間的流心芝士會湧出，所以記得要慢慢食啦！

另外仲有一款芝士條（$30），芝士條非常鬆脆，咬開入面放滿芝士，芝士迷可以試試～

地址：紅磡德民街1-15號黃埔新邨地下A4A號舖(港鐵黃埔站 B 出口，步行約3分鐘)

營業時間：星期一至日 11:30 - 23:30

煎餅廚房即叫即整多款特色口味煎餅，心水推介北京烤鴨煎餅($36)，煎餅加埋烤鴨絲、京蔥絲、青瓜片、甜醬，味道好夾，另外仲可以加薄脆，口感更豐富！叫完仲可以到外面望到整個煎餅製作過程，去開不妨一試！

地址:紅磡蕪湖街83號地下7號舖(港鐵黃埔站 B 出口，步行約5分鐘)

營業時間：星期一至四13:00 - 22:00／星期五至日 11:00 - 22:00

紅磡雞蛋仔可以話係區內老字號小食店，除了著名的雞蛋仔之外，班戟亦值得一試！鍾意甜食的話可以試試芒果班戟（$18），超足料芒果加上沙律醬，酸酸甜甜好開胃。另外仲有肉鬆班戟（$11）同樣份量十足，熱辣辣食味道一流。

地址：紅磡大沽街寶利閣2號舖(港鐵黃埔站 B 出口，步行約4分鐘)

營業時間：星期一至三／星期五至日 12:00 - 20:00／星期四全日休息