正在閱讀
【聖誕好去處2018】精選全港商場10大卡通聖誕裝飾!Tsum Tsum/多拉A夢/布甸狗

【聖誕好去處2018】精選全港商場10大卡通聖誕裝飾!Tsum Tsum/多拉A夢/布甸狗

2018.12.02

每逢聖誕節,各大商場都會換上聖誕裝飾迎接聖誕到來,當中不少商場會選擇與卡通人物聯乘。以下便精選了10大聖誕卡通裝飾佈置,包括有Little Twin Stars、Tsum Tsum、My Melody、多拉A夢、比卡超、布甸狗、DC超級英雄等,啱晒各位Fans去影相!

第 1 站 九龍灣MegaBox X Little Twin Stars

由即日起至2019年1月1日,全港首個Little Twin Stars聖誕夢幻樂園登陸九龍灣MegaBox,有多個大型機動裝置,Little Twin Stars的Lala及Kiki將化身為可愛的童話主角,於各個故事場景中同大家影相。有30呎高粉紫色夢幻聖誕樹、全港首創共2萬粒LED星光夢幻機動音樂Show及1000朵戶外LED玫瑰花海!仲有Little Twin Stars期間限定店及Little Twin Stars見面會。詳情:https://goo.gl/B142LU

第 2 站 旺角朗豪坊 X TSUM TSUM

由即日起至2019年1月6日,迪士尼 TSUM TSUM 將會現身旺角朗豪坊,同大家歡度聖誕!旺角朗豪坊打造了全港首個迪士尼TSUM TSUM 聖誕市集,TSUM TSUM米奇仲會以全新的聖誕老人造型登場添。旺角朗豪坊TSUM TSUM市集中央有個由 22 個迪士尼角色砌成的 4.5 米高 TSUM TSUM 聖誕樹,非常搶眼,隔離仲有TSUM TSUM 聖誕火車,朗豪坊現場仲有其他影相位架,聖誕節同朋友或者家人來影靚相就最啱啦。除此之外,朗豪坊商場仲設有TSUM TSUM期間限定店同各款以TSUM TSUM為主題的小遊戲,等聖誕節大家可以歡度佳節。詳情:https://goo.gl/BzjXLr

第 3 站 銅鑼灣皇室堡 & 東角LAFORET & 銅鑼灣地帶 X My Melody

由即日起至2019年1月1日,My Melody聲夢遊樂園登陸銅鑼灣皇室堡、東角LAFORET、銅鑼灣地帶,My Melody仲帶埋一班好朋友們,有綿羊仔Piano、老鼠 Flat、松鼠 Risu及熊熊 Kuma等。My Melody同好朋友們齊齊換上聖誕裝同大家彈奏聖誕樂章,迎接聖誕,好窩心!聖誕小鎮有好多影相位,其中最特別有My Melody頭形聖誕列車、七彩玻璃教堂等。詳情:https://goo.gl/VmwTxZ

第 4 站 奧海城 X 多啦A夢

由即日起至2019年1月1日,多啦A夢帶來多件神奇法寶登陸奧海城,「多啦A夢秘密道具研究所」內設多項秘密道具測試站,有隨意門、空氣炮、動畫噴霧器、時光機及隱形斗篷。另外場內仲設20呎高巨型多啦A夢、記憶面包及多啦A夢角色等多影相位。詳情:https://goo.gl/bpRXS3

第 5 站 黃埔天地 X 比卡超

由即日起至2019年1月1日,黃埔天地將會有7.5米的巨型比卡超出場,非常壯觀!而在商場中則有由近百隻Pokémon組成的2米高聖誕樹可以俾大家瘋狂合照,同時也會有閃亮的比卡超聖誕燈飾在商場的不同角落出現。詳情:https://goo.gl/AbEWuj

第 6 站 葵涌life@KCC X IQ博士寶珠馬戲團

由即日起至2019年1月6日,IQ博士將會帶埋一班朋友仔包括小吉、小雲、粉紅屎屎等仲有珍寶珠去到將軍澳東港城及葵涌life@KCC同大家見面!今次就帶大家率先睇睇葵涌life@KCC的「IQ博士 x 珍寶珠反斗馬戲團」。場內有多個馬戲團主題影相位,當中包括4米高小吉熱氣球。詳情:https://goo.gl/LfYSR4

第 7 站 上水廣場 & 將軍澳PopWalk天晉匯 X 史力加

由即日起至2019年1月2日,史力加就連同《功夫熊貓》、《荒失失奇兵》等作品的人氣角色,一齊嚟到上水廣場和將軍澳PopWalk天晉匯同大家見面!一眾角色以全新的KOUKOU造型登場,非常可愛,現場更有巨型的夾公仔機聖誕樹、甜點工場等影相位。詳情:https://goo.gl/tpF5uU

第 8 站 尖沙咀The ONE X BT21

由即日起至2019年1月1日,尖沙咀The ONE與LINE FRIENDS聯手,帶來全球首個BT21宇宙聖誕主題商場佈置-「BT21 MEETS The ONE 冬日夢幻漫遊宇宙」,場內有8大宇宙主題影相位,可以同BT21成員VAN、TATA、CHIMMY、COOKY、RJ、SHOOKY、MANG及KOYA一齊影相打卡。另有期間限定店出售精品詳情:https://goo.gl/Fg7wmh

第 9 站 荃灣廣場 X 布甸狗

由即日起至2019年1月1日,布甸狗將會登陸荃灣廣場同各位粉絲見面,除了可以走入布甸狗屋企同布甸狗影相見面之外,商場仲有16呎高聖誕造型布甸狗充氣裝置、過百隻布甸狗公仔砌成的11呎聖誕樹,粉絲記得去影相啦!同時,荃灣廣場仲推出了不少限量精品俾大家換領詳情:https://goo.gl/tqxWLw

第 10 站 將軍澳PopCorn X Q版DC超級英雄

由即日起至2019年1月1日,DC的一眾超級英雄將會來到將軍澳PopCorn同大家見面!現場將會有8個由本地知名藝術家b.wing所設計的萌版DC英雄和反派,包括超人、蝙蝠俠、神奇女俠、小丑、小丑女、閃電俠、綠箭俠及貓女。同場仲有掛滿超級英雄公仔的聖誕樹和期間限定店商品詳情:https://goo.gl/oxsJcZ

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠