正在閱讀
【聖誕節2018】開派對人多最啱玩!10大人氣Party Game推介

【聖誕節2018】開派對人多最啱玩!10大人氣Party Game推介

2018.12.03

來到12月即將迎接聖誕節,大家開始籌備聖誕Party未?除了成班朋友食聖誕大餐之外,當然少不了一齊玩遊戲!如果嫌玩Switch玩到曬的話,不妨考慮一下玩Party Game!今次就為大家介紹10款人氣的Party Game,可以炒熱氣氛同時又刺激,大家不妨參考下!

第 1 站 Minions扑傻瓜機

Minions扑傻瓜機玩法非常簡單,只要按鈕控制Minions扑對方,最快扑到對方個頭就算嬴。最搞笑之處就是,Minions的頭會連彈簧扑到飛聖誕節多人的話,仲可以以分組賽形式進行,無論觀戰定落場遊都一樣刺激

圖源:Twitter@EPOCH1958

第 2 站 Pie Cream Showdown

早前推出的Pie Cream Showdown,引起不少人的開派對玩的熱潮。玩法同樣簡單,鬥快禁按紅色按鈕,輸了忌廉就會直接拍落你臉上,好玩又刺激,唔想成臉都係忌廉的話,就要練定手速啦


圖片來源:Hasbro Gaming

第 3 站 Catch the Fox Game

遊戲相當講講運氣同速度,大家先輪流擲骰子,就將數字的雞仔放到狐狸的褲子,放完雞仔後,可以按一下狐狸的頭。按到褲子收起雞仔四散時,就要鬥快捉雞仔,捉得最多的人就嬴。遊戲適合2-4人玩,仲好容易玩到手忙腳亂,畫面搞笑!


第 4 站 Minions層層疊

Minions層層疊造型得意,Minions變身成冬甩同雪糕,玩家要將冬甩同雪糕搭高,如果跌下來就算輸!

圖源:@EPOCH1958

第 5 站 Happie Haai

Happie Haai最啱一大班朋友輪流玩!大白鯊的口放滿魚蝦蟹,大家要擲骰仔決定需要釣的數量,如果釣中令鯊魚合口,就為之輸了!遊戲驚險又刺激,開派對玩引發不少笑彈


圖源:bol

第 6 站 Body Shakin BOB 人體結構搖搖晃 BOB

人體結構搖搖晃BOB的玩法簡單,大家就是要將器官放回Bob的身體內,但太大力的話,他的器官就會飛出來,所以玩這個遊戲要相當小心!


圖源:megahouse

第 7 站 Chow Crown食者為王

遊戲好啱在聖誕派對上玩,要先將食物放到皇冠的叉上,皇冠會自動旋轉,玩家需於音樂完結前,將食物吃掉,玩家只能靠頭部的動作把食物送到咀裡,相當講求技巧。


圖源:hasbro gaming

第 8 站 比卡超夾公仔機

這款比卡超夾公仔機賣相得意,只要投入代幣就可以開始遊戲,可以夾出一大堆可愛的小精靈,仲識發聲叫Pikachu!開Party成班朋友可以一齊夾公仔開心一下!


資源來源:JC shop

第 9 站 蠟筆小新屁屁吹氣球遊戲

 遊戲刺激又可愛,玩家要先裝上氣球,再擲骰子,擲到的數目為按氣泵的次數,令氣球從小新的屁屁飛走人就算輸!好玩又搞笑,蠟筆小新Fans會唔會考慮開Party玩下!


第 10 站 Toilet Trouble Flush Down 古惑廁所

小心隨時濕身!遊戲以廁所為主題,雙方要輪流滾動廁紙,轉得較快的人,就可以噴水攻擊對方,不幸的話就會被廁所水射中啦!開party玩夠晒刺激!


資料來源:JC shop

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠