正在閱讀
【聖誕好去處2018】精選港九新界10大聖誕好去處!情侶拍拖/閨蜜影相/聖誕燈飾

【聖誕好去處2018】精選港九新界10大聖誕好去處!情侶拍拖/閨蜜影相/聖誕燈飾

2018.12.14

聖誕節就到喇,全港不少地方都已經換上聖誕裝飾,港九新界各區都有唔少打卡熱點,以下就精選了全港10大聖誕好去處俾大家去拍拖或影相!當中,包括有倫敦聖誕燈飾、影像萬花筒、飄雪效果等等,梗有一個係附近!

第 1 站 尖沙咀海港城 X Christmas Treasures

由即日起至2019年1月1日,海港城以「Christmas Treasures」 尋找聖誕瑰寶為主題,為大家準備了超過40米長的聖誕「愛心鎖橋」及60呎巨型戶外聖誕樹。另外,仲有全球最大的影像萬花筒,絕對係今個聖誕必去的影相位!詳情:https://goo.gl/ANrLTJ

第 2 站 尖東 X 大廈燈飾

由即日起至2019年1月1日,尖東附近的大廈及街道換上了聖誕裝飾,現場有多個影相位,包括:大型LED牆 、空中花海同多個大型燈飾裝置。詳情:https://goo.gl/bYwC2T

第 3 站 旺角朗豪坊 X TSUM TSUM

由即日起至2019年1月6日,迪士尼 TSUM TSUM 將會現身旺角朗豪坊,同大家歡度聖誕!旺角朗豪坊打造了全港首個迪士尼TSUM TSUM 聖誕市集,TSUM TSUM米奇仲會以全新的聖誕老人造型登場添。旺角朗豪坊TSUM TSUM市集中央有個由 22 個迪士尼角色砌成的 4.5 米高 TSUM TSUM 聖誕樹,非常搶眼,隔離仲有TSUM TSUM 聖誕火車,朗豪坊現場仲有其他影相位架,聖誕節同朋友或者家人來影靚相就最啱啦。除此之外,朗豪坊商場仲設有TSUM TSUM期間限定店同各款以TSUM TSUM為主題的小遊戲,等聖誕節大家可以歡度佳節。詳情:https://goo.gl/BzjXLr

第 4 站 葵芳新都會廣場 X Christmas Rosemance

由即日起至2019年1月1日,葵芳新都會廣場最近變身浪漫玫瑰花園,同大家過一個夢幻的聖誕節!為了迎接聖誕節,葵芳新都會廣場用過萬朵玫瑰花打造了玫瑰花園。新都會廣場有多個影相位,包括有一棵24呎高水晶玫瑰聖誕樹、玫瑰花海、霓虹燈玫瑰牆等等。詳情:https://goo.gl/GFdJEy

第 5 站 荃灣愉景新城 X 極光飄雪樂園

由11月24日至2019年1月6日,今年聖誕節荃灣愉景新城將為大家帶來一個白色聖誕,將外國飄雪實景帶來香港。荃灣愉景新城將變成近萬呎飄雪聖誕樂園,現場有多個影相位,包括高光影投射滑梯、白色堆雪樂園、水晶冰屋、高達6米巨型聖誕樹等等。商場亦會定期製造飄雪效果,而今次荃灣愉景新城用的大型仿雪場景亦曾經使用在經典電影哈利波特、明日之後等荷里活大片中,詳情:https://goo.gl/cU2H69

第 6 站 元朗Yoho Mall 形點 X 冰雪世界

由即日起至2019年1月1日,元朗YOHO MALL今個聖誕節利用了過100棵白色聖誕樹打造了白色聖誕雪國森林,YOHO MALL現場除了有過100棵白色聖誕樹俾大家任影之外,仲有多個影相位,包括夢幻泡泡屋、星光隧道等6個影相位,俾大家可以同閨蜜或者男女朋友打卡影靚相。而商場另一邊亦有冰雪樂園,樂園中有一大片雪地,場內仲會不時落飄雪,等大家可以一邊望住飄雪一邊玩雪球大戰!除此之外,元朗YOHO MALL亦置有2大富聖誕特色的攤位遊戲,詳情:https://goo.gl/rCTjvm

第 7 站 沙田新城市廣場 X 愛麗絲夢遊仙境

由11月27日起至2019年1月13日,《愛麗絲夢遊仙境》聖誕佈置登場沙田新城市!有數碼互動藝術裝置,30呎高的聖誕樹兔子洞穴,發光蘑菇及玫瑰林等燈海等多個光影影相位。同場仲有韓國「Alice – Into the Rabbit Hole」裝置藝術展覽詳情:https://goo.gl/iji8hE

第 8 站 銅鑼灣皇室堡 & 東角LAFORET & 銅鑼灣地帶 X My Melody

由即日起至2019年1月1日,My Melody聲夢遊樂園登陸銅鑼灣皇室堡、東角LAFORET、銅鑼灣地帶,My Melody仲帶埋一班好朋友們,有綿羊仔Piano、老鼠 Flat、松鼠 Risu及熊熊 Kuma等。My Melody同好朋友們齊齊換上聖誕裝同大家彈奏聖誕樂章,迎接聖誕,好窩心!聖誕小鎮有好多影相位,其中最特別有My Melody頭形聖誕列車、七彩玻璃教堂等。詳情:https://goo.gl/VmwTxZ

第 9 站 淺水灣The Pulse X 夢幻鏡面星河

由即日起至2018年12月31日,The Pulse聖誕有多個新影相位,包括幻彩星空、有限的無限世界、狂想隨意門、魔力鏡子、怪獸花園,每個場景都非常夢幻,大家可以再入去影星空靚相啦。詳情:https://goo.gl/vS5LR2

第 10 站 灣仔利東街 X 「The Spirit of Christmas」

由即日起至1231日,灣仔利東街將與英國倫敦攝政街攝政街合作,帶來聖誕燈飾企劃「The Spirit of Christmas」。今次更是The Spirit of Christmas首次走出英國,將當中具代表性的燈飾,原汁原味帶到香港,過一個充滿英倫風格的聖誕。詳情:https://goo.gl/G5iyiW

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠