【聖誕禮物2018】10大連鎖店聖誕優惠晒冷！精選62件抵買家品/服飾/電器/公仔

深受香港少女喜愛的服飾品牌6IXTY8IGHT全線分店低至半價，當中牛仔短褲、胸圍、長袖上衣$29.9就買到，另外短襪及沙灘拖鞋都只售$9.9，好抵買，趁假期可以約埋好姐妹一齊去Shopping！

電子產品專門店友和推出聖誕限定優惠，超過1000款產品以優惠價發售，當中包括有生活家電、電腦、美容護理等產品！今次挑選了部分價錢$1000以下的商品，心水推介Hello Kitty迷你雪糕機，聖誕節可以同朋友一齊diy整雪糕，有得食又有得玩。另外手機相片打印機、空氣清新機、半自動咖啡機、迷你冰箱、輕巧脫毛機、迷你捲髮棒等都有減。不過要留意，每樣產品的優惠期有限，想買的話記得預早睇睇啦！

如果想買禮物俾女朋友，可以考慮一下名牌手袋，名牌手袋專門店TWIST就推出大減價，減價牌子包括有Love Moschino、Roger Vivier、Tory Burch、Miu Miu、Prada及Burberry等等，當中Love Moschino長銀包由$1150減至$345，好抵買！

新一年想換部新電腦用的朋友仔要留意啦，Lenovo由即日起至2019年1月13日推出限時聖誕優惠，Notebook及Desktop類型電腦，就連新型號都有減，有興趣可以睇睇有冇啱心水。

韓國牌子SPAO一向價錢親民，款式又多又抵，現時SPAO就聯同WHO.A.U及SHOOPEN三大韓牌齊於旺角開倉，衫、鞋、袋一應俱全，冬季大褸最平$300左右就有一件，鞋$29就有一對，有買開的話又可以趁平去Shopping啦～

唔少人都會買定對新鞋過年著，深受香港及日本OL喜愛的ORiental Traffic最近就推出減價，簡約休閒鞋、高跟鞋等等全部減價後大約$250-$300就買到一對，好抵！睇啱記得趁平買多兩對返工出街著！

臨近聖誕豐澤推出不少吃喝玩樂類型的電子產品，當中包括有Switch Game、藍芽喇叭、BBQ 日式電熱鍋、多士焗爐、即影即有打印機等，啱晒大家開聖誕Party的時候玩或者交換禮物。

日式家品店Franc Franc的家品一向又靚又實用，現時聖誕更有一系列聖誕家品、擺設及飾物減價，充滿節日氣氛！大家睇家品之外仲可以睇埋聖誕樹、聖誕老人等佈置。

英國首飾品牌Accessorize聖誕節期間指定飾品買二送一，店內仲有背包、手套、頸巾及全新推出冬季系列飾品，送耳環、手鏈又有心思又夠實用，相信女仔收到一家好開心。