【倒數好去處】平安夜/除夕倒數後宵夜美食　6間24小時通宵營業餐廳推薦

香港飲夜茶的地方不多，通宵營業的就更少！位於天后的點心皇24小時營業，供應多款即叫即蒸點心，生滾靚粥亦相當受歡迎，一大班朋友或三五知己光顧都十分適合。

地址: 香港天后電器道121號

來源: FB@點心皇

位於深水埗的茶記新香園售賣「馳名蛋牛治」，蛋牛治每件$21，烘底加$1，建議一定要烘底，麵包香脆不會太乾。招牌蛋牛治牛肉足料，蛋漿包裹著碎牛肉煎香，牛肉味濃，鹹香滋味！倒數後半夜想食個快靚正宵夜又唔想太Heavy，可以選擇新香園！

地址: 深水埗桂林街38號A地下

港式餐廳外，英國菜都有24小時營業選擇！Flying Pan主打各款All Day Breakfast，份量多十分豐富，每款都有不同配搭。

招牌菜The Flying Pan($99)就有齊雞蛋、煙肉、火腿、肉腸餅、多士、2款配菜及果汁。

餐廳環境舒適，以24小時營業的食肆來說可算是比較浪漫，可以同另一半一齊邊食宵夜邊談心。

地址: 灣仔駱克道37-39號得利樓1樓｜中環奧卑利街9號地下

來源: FB@Flying Pan

講到食宵夜很多人都離不開港式小食，想「速戰速決」的朋友，茶記冰室外可以考慮去十八座狗仔粉！

馳名狗仔粉 細:$22 大:$29，鍾意食辣的朋友記得加辣菜脯！

翅滾火鴨髀 上髀$22 下髀$30

招牌火鴨翅 細:$22 大:$29 ，用4隻燒鴨煲足6小時！

地址: 佐敦寧波街27A地舖｜深水埗福榮街88號地舖｜旺角通菜街139號地下B舖｜荃灣荃興徑3號地下E舖｜元朗建業街59號｜尖沙咀金馬倫道29號地下B舖｜觀塘物華街1號地下

來源: FB@十八座狗仔粉

由內地紅到香港的火鍋店海底撈，服務周到外最大賣點，就係24小時營業喇！

油麻地分店是海底撈香港首間分店，共有兩層，面積相當大，座位亦十分闊落，無論係二人或一大班朋友，都非常適合。

海底撈同時供應麻辣重口味、清甜椰子雞等不同湯底，而且每個鍋最多可選4款湯底，有選擇困難症的朋友都唔使擔心。

地址: 油麻地彌敦道555號九龍行2-3樓(24小時營業)｜銅鑼灣波斯富街99號利舞臺廣場19樓(營業時間10:00 - 03:00)

日本過江龍拉麵店一蘭除了有討論度十分高的自修室式一人座位外，當然不得不提通宵營業！

天然豚骨拉麵($89)，大家可以按個人喜好添加叉燒、黑木耳、燉煮豚肉燒等配料。

地址: 銅鑼灣謝斐道440號駱克大樓A座地下(24小時營業)｜尖沙咀棉登徑8號地庫B舖及地下入口大堂(星期日至四08:00-翌05:00｜星期五至六08:00-翌06:00)