正在閱讀
香港2018年度暢銷書榜結果出爐!誠品書店TOP 100主題書展/書籍優惠

香港2018年度暢銷書榜結果出爐!誠品書店TOP 100主題書展/書籍優惠

2018.12.27

鍾意睇書的朋友留意啦!最近香港誠品書店就公佈了香港2018年度暢銷書榜結果,當中包括了心理勵志、人文科學、翻譯文學、休閒趣味、華文創作、健康生活等等不同類型書籍的頭十至二十五本上榜名單,想知道自己睇過或者心愛的書籍有冇上榜就要睇睇新鮮出爐的結果啦~另外,於2018年12月26日起至2019年2月12日,香港三間誠品書店更會同步推出TOP 100主題書展及參展書籍優惠,書迷想買書睇記得要把握機會!

第 1 站 心理勵志

心理勵志書籍一向都好受歡迎,而2018年度最受歡迎的心理勵志書籍頭三名就分別由「可以善良,但你要有底線不當好人」、「在顛沛流離的世界裡,你還有我啊」及「工作,剛剛好就好」獲得,工作、生活壓力大可以睇睇這些書籍減壓。

第 2 站 翻譯文學

流行翻譯小說相信係唔少書迷的最愛,2018年度翻譯文學類別當中亦有唔少著名的作家及作品包括村上春、東野圭吾上榜,當中頭15名入面就有6本為東野圭吾的作品,有睇開翻譯文學的朋友可以睇睇~

第 3 站 華文創作

除了翻譯文學,華文創作亦係另一大熱之選,上榜的包括有龍應台、middle、不朽、林夕、亦舒等人氣作家。

第 4 站 人文科學

「家長不要做的35件事」、  「瘋人院臥底十日紀: 傳奇女記者的精神病院紀實報導」、「21世紀的21堂課」等大熱書籍都有上榜,另外仲有唔少日常哲學、生活百科等有趣書籍,當中有冇大家的心水呢?

第 5 站 休閒趣味

休閒趣味類別由「黃阿瑪的後宮生活: 貓永遠是對的!」成為最暢銷書第一名,睇嚟香港有唔少貓奴!

第 6 站 健康生活

近年香港人愈來愈追求健康生活習慣,教授煮家常菜、化妝、瘦身等書籍亦愈來愈流行,當中「鼎爺廚房2懷舊風味撚手菜」更成為健康生活類別暢銷榜第一名~

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠