【2018回顧】8大首次進駐香港新店一覽！日韓過江龍/精品雜貨/服飾/運動用品

新加坡品牌CHARLES & KEITH每星期都會推出不同款式手袋及鞋款，而且價錢親民，深受唔少香港人喜愛，2018年CHARLES & KEITH就於香港沙田開設了首間分店，其後再於中環開店時推出香港獨家限定系列手袋，香港人想買袋同鞋終於唔使上網，可以到門市睇實物！

繼Zoff之後，同樣主打平價眼鏡的日本品牌JINS今年亦在香港開設了首間分店，分店位於觀塘APM商場，店內有4間驗眼房，最快30分鐘就有得拎眼鏡，想配眼鏡的朋友又多一個選擇！

韓牌chuu首間香港分店今年於尖沙咀SHIBUYA109內正式開幕，當然唔少得一直都好有話題性的皇牌-5KG牛仔褲，新店更推出了香港限定版-5KG牛仔褲，同時亦有引入chuu原創卡通人物fanfanduck的精品、Strawberry Milk、LEEGONG等系列。

日本品牌ASICS於今年年尾開設了首間直營專門店，專門店位於香港太古城中心，店內有售跑鞋、運動服飾、田徑、網球、排球等運動裝備，另外店舖設有免費FOOTID靜態足型測量服務，分析顧客的腳型，推薦適合的鞋款。

美國運動用品連鎖品牌Foot Locker今年9月於尖沙咀開設旗艦店，旗艦店足足有三層高，齊集多個不同品牌的運動服飾、運動鞋，男裝、女裝及小童款式都有，另外仲可以自製專屬tote bag，運動迷可以去睇睇～

有留意開日本美妝資訊的話相信都有睇過日本最大的美容資訊綜合網站@cosme，@cosme公司今年就於香港開設實體店@cosme store，首間分店位於尖沙咀，其後@cosme store亦進駐將軍澳等商場開店。

香港一直都有兩間Line Friends專門店，不過今年Line Friends Store登陸沙田及觀塘，除了有平時的Line Friends精品之外，更首次加入了BT21專區、Line Friends Café及Line Friends Snack Bar，好吸引～

今年年頭，一站式日本飲食家品雜貨店O-ASIS正式開業，新店有三層高，第一層有特色雪糕、飲品出售，第二層就有大量日本直送零食和CAFE，而三樓就主要售賣家品雜貨、日本文具美妝等等～