【深水埗美食】2018深水埗人氣5大新食店推介　石磨腸粉/拔絲蛋糕/熱石牛扒

這間新開的「三Triple Steak」牛扒自助專門店，最平只需$75就歎到熱石牛扒，價錢仲已經包埋沙律、白飯、餐湯任食！牛排上碟時只有一成熟，客人可以在熱石板上煎至自己心水的生熟度。客人要先到店前的自動售賣機器購買，彷如置身於日本街頭，別有一番風味～

三Triple Steak

地址：深水埗欽州街52至54號平安大廈地舖

營業時間：星期一至日下午12時至晚上10時

深水埗的「榮家榚點烘焙店」，售賣人氣黃金拔絲蛋糕，每日新鮮出爐。蛋糕口感鬆軟，搣開仲有拉絲效果！一共有7款口味，有抹茶、芝士、朱古力等。($15/三件，$50/一打)。另外，仲有多款特別口味的低糖冰鎮砵仔糕，口感冰涼彈牙。($9/件，$24/三件)

「榮家榚點烘焙店」
地址： 深水埗桂林街50A號地下2號舖
營業時間：星期一至日下午12時半至晚上10時半

新開這間石磨腸粉專門店，每份腸粉都是用上每天新鮮磨製的米漿，再加入不同餡料，即叫即蒸，熱辣辣出爐！有雞蛋瘦肉碎腸粉($20)，腸粉軟滑，帶點蛋香。還有蜜汁叉燒腸粉($20)，啖啖叉燒粒。而蔥花蝦米腸粉($20)，充滿蝦米鹹香～

五嫂石磨腸粉
地址：深水埗北河街98號地下B3號舖
營業時間：星期一至日上午6時至晚上8時

「波子號」這間小食店佈置參照瑞典美食車的設計，有齊車牌、車頭燈、車門等，造型玩味十足。甜品即叫即製，梳乎厘班戟特意製成熊仔造型，好有心思。另外，仲可以食到配上鮮忌廉的瑞典窩夫、其他街頭小食等。

波子號

地址：深水埗桂林街143號地下F3號舖

另外，最近就新開一間由馬來西亞人主理的茶啡廳「捌哥.捌哥特色馬拉茶啡廳」，可以食到地道正宗馬拉菜，有肉骨茶、喇沙蝦麵，還有平時比較少見嘅藍色的藍花飯及綠色的椰漿飯，好多選擇！

捌哥.捌哥特色馬拉茶啡廳

地址：深水埗汝州街188號地下

營業時間：星期一至日上午11時半至晚上10時