【荔枝角好去處】荔枝角D2 Place四千呎i.t開倉！過20服飾品牌1折$99起

b+ab的服裝比較斯文百搭，平時返工著或者出街著都得，開倉場內有唔少秋冬長袖衫、格仔裙等等，最平$159就有一件，可以趁平買多幾款襯衫。

Mini Cream的設計比較可愛佻皮，有唔少粉色系的服飾，吸引唔少香港少女。減價服飾入面大褸由$1699減至$599，款式百搭好抵買！

法式時裝品牌tout à coup是另一個i.t旗下的人氣女裝品牌，款式斯文而且部分仲有XS尺碼，啱晒香港身型較細小的OL。

開倉場內除了有男女裝服飾之外，仲有唔少鞋款減價。平日買Venilla Suite的女裝鞋款大多數都要一千幾百先有一對，現時減價最平$200就有交易，而且仲有多款顏色、風格的鞋都有，想買鞋可以睇睇有冇心水。

鍾意型格路線的話可以睇睇5CM的男女裝，最平$199就買到，而男裝大衣更由$2709減到$1099。

Fingercroxx女裝橫間毛衣由$799減至$79就買到，而男裝外套就由$1999減至$199，全場最抵，想買記得要盡快去睇睇啦！

Izzue的減價貨品款式好多， 當中女裝外套由$2399減至$399，好抵買！

男裝品牌Musium Div.亦有唔少減價長袖Tee、連帽衛衣，款式都係灰、黑、軍綠等百搭色，男士們可以睇睇～

除了以上8大精選品牌之外，場內仲有其他品牌都好抵買，有時間記得去尋寶買返幾件心頭好啦！