正在閱讀
【新年好去處2019】情侶拍拖/閨蜜打卡好去處!精選全港10大浪漫影相位

【新年好去處2019】情侶拍拖/閨蜜打卡好去處!精選全港10大浪漫影相位

2019.01.25

農曆新年及情人節就快到,相信唔少情侶都為要去邊度拍拖而煩惱,以下就精選了全港10大浪漫佈置影相位,例如有粉櫻步道、巨型祝福塔、祈福祝願寺、幸福甜蜜池、光影神社、幸福車站、日本鳥居等等。大家不妨參考下,冇另一半都可以約埋好朋友一齊去影靚相!

第 1 站 沙田新城市廣場 新春の幸福駅

1月16日至2月24日期間,北海道幸福車站將登陸沙田!今個農曆新年,沙田新城市廣場以「幸福車站」為靈感,設計【新春の幸福駅】大型賀年主題佈置。場內有多個打卡位,包括櫻の號列車、鳥居等。另外,亦有一系列和風利是封連磁石徽章。大家不妨可以去感受一個和風農曆新年。詳情:https://goo.gl/K2suHr

第 2 站 荃灣廣場 新春豚圓櫻花園

荃灣廣場新年佈置登場!商場的新年佈置設有5大祈福打卡位,包括逾13米長的「粉櫻步道」、6米高的「巨型祝福塔」、「祈福祝願寺」、「幸福甜蜜池」及「光影神社」。另外,亦有大型室內年宵及工作坊。有興趣的朋友記住去睇下喇!詳情:https://goo.gl/vDcAUL

第 3 站 葵芳新都會廣場 花言蜜語

1月18日至2月24日期間,葵芳新都會廣場新年及情人節期間將變身成花花世界,於4萬呎的戶外露天廣場打造「粉紅花言蜜園」,園內有11呎高的「花語屋」、「花語牆」等浪漫影相位,絕對是情侶們的拍拖好去處。另外亦有逾千呎「日本有機士多啤梨園」,更可即摘即食士多啤梨。詳情:https://goo.gl/pvxuYH

第 4 站 德福廣場 「至『紅』港式情懷」

由1月18日至2月19日,德福廣場主打港式情懷,以300隻紅膠豬仔錢罌打造至強打卡牆,以及3米高的全新懷舊造型豬仔錢罌,更有首個以逾600盞懷舊雞蛋燈打造的大紅燈海,充滿紅色喜慶氣氛。另外,亦設有懷舊賀歲市集及新春懷舊展覽,展出一系列70年代的新春家品和經典紅膠豬仔錢罌。詳情:https://goo.gl/5R9Aph

第 5 站 尖沙咀The One 飛天少女豬事丁

飛天少女豬事丁的粉絲注意!1月20日至2月24日期間,尖沙咀The One商場將會聯同8、90後的童年回憶飛天少女豬事丁推出新春商場布置,一眾粉絲們在農曆新年期間記得去尖沙咀The One商場影靚相。詳情:https://goo.gl/UYvpKt

第 6 站 黃大仙中心 情侶旗袍攝影

1月12日至3月31日,黃大仙中心推出旗袍攝影體驗,憑指定消費便可穿著旗袍或中國服飾拍照。攝影體驗分為家庭攝影及雙人攝影兩種,並設有以新春喜感佈置的背景供拍攝之用,大家不妨約埋另一半及親朋好友體驗一下!詳情:https://goo.gl/TH4fMS

第 7 站 旺角朗豪坊 夢幻粉紅茶居

1月24日至2月17日,朗豪坊將傳統茶樓化身為超夢幻粉紅茶居,場內有多個影相位,包括:「粉紅TEA BAR」、「金吉酥雀籠」、「復刻點心車」、「印仔點心紙」、「Instagrammble霓虹點心牆」、「甜蜜氹氹轉」,以及「豬籠入水豬仔包」。另外,更設有互動遊戲可以玩。詳情:https://goo.gl/hif5Tc

第 8 站 馬鞍山新港城中心 Hello Kitty.老夫子『玩』傳統新年

1月21日至2月19日,Hello Kitty與老夫子全球首次聯乘登陸馬鞍山新港城中心!是次聯乘打造了6大懷舊場景影相位,包括MOSTown咖啡廳、MOST經典唱片店、大吉吉蔘茸海味店、老夫子懷舊理髮店、Hello Kitty時尚糖果屋及Hello Kitty.老夫子巨型漫畫書店攝影區。Hello Kitty同老夫子的Fans記得唔好錯過!詳情:https://goo.gl/YfzQru

第 9 站 九龍灣MegaBox Sanrio新春花燈遊園會

1月9日至2月24日,一眾人氣Sanrio角色包括My Melody、Cinnamoroll (玉桂狗)、Kuromi、Pompompurin(布甸狗)、Kerokerokeroppi及Osaru no monkichi(馬騮仔)登陸九龍灣MegaBox,齊齊換上全新賀年新裝,化身成可愛金豬招財錢罌佈置,並帶來不同高難度中國傳統雜技表演,Fans記得去搵佢地影相!詳情:https://goo.gl/RHKkB9

第 10 站 太古城中心 LEGO

由1月18日起至2月19日期間,太古城中心聯乘LEGO®打造最地道的香港人賀年實景,例如家人吃團年飯、逛花市,及看賀歲電影。除了多個打卡位外,大家亦可拼砌各類型LEGO小模型及製作LEGO®人仔定格動畫。詳情:https://goo.gl/TdKxff

↓【U Lifestyle App限定】送iPad mini (Wi-Fi版)!↓

立即入App答問題 人氣獎品、優惠折扣隨時等您攞!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠