正在閱讀
【年宵2019】銅鑼灣維園年宵市場開鑼 15大豬年精品搶先睇

【年宵2019】銅鑼灣維園年宵市場開鑼 15大豬年精品搶先睇

2019.01.30

2019年宵正式開鑼!新年好多人都鐘意去行年宵市場,而今年2019港九新界都會有不同的年宵花市,包括有沙田年宵市場、元朗年宵市場、觀塘年宵市場、屯門年宵市場等等,2019年宵市場舉辦日期將會是1月30日至2月5日。2019年銅鑼灣維園年宵市場將會有464檔乾濕貨攤位,小編今次就率先去帶大家睇吓位於銅鑼灣的維園花市有咩精品買,睇吓有咩心水推介!

第 1 站 豬仔士多

豬仔士多自家製3款攬枕,有午餐肉罐頭($198)、盒裝朱古力奶($188)同豬仔薯片($298),薯片內仲有4個小攬枕!

第 2 站 真寶珠

真寶珠以豬仔同茶餐廳食品為主題,售賣布袋($45起)、貼紙($10)!、文件夾、攬枕($$100)等等,別具香港特色。


第 3 站 豬西餐廳

豬西餐廳分別售賣午餐肉布袋同參考豬飼料外型的斜肩袋($108),十分精緻。同場亦有售2個有豬樣的大型漢堡包同三文治($168)。

第 4 站 Draw銀住哂

Draw銀住哂由plastic thing等多個本地插畫家組成,攤檔售賣廚師腸memo子、鐵牌、閃卡passport套、電話殻等等。比較特別的是有現場有部Draw銀住哂跪完機,大家買滿$328就可以得到人手畫的提銀卡、利是封同銀紙各1張。

第 5 站 乘大士多

乘大士多售賣豬仔童年玩具攬枕($248)同大大枝裝麥精攬枕($268),非常搶眼。攤檔仲有自家設計的白兔糖毛巾($100)、香港18區鐵牌($70)、布袋($60)同文件夾($20),可以去睇吓。

第 6 站 堅系朱豬s

堅系朱豬s自家畫製多款豬仔人氣卡通產品,包括有蠟筆小新、多啦A夢、小丸子等等,有布袋($68)、貼紙($98)、電話殻($88)。另外仲有香港特色小食媽咪麵同魷魚絲的豬仔版文件夾($20),十分搞鬼。
 

第 7 站 珍豬母

珍豬母攤檔中最吸引的莫過於有一大隻豬仔在杯頂的珍珠奶茶攬枕($228),十分可愛。另外仲有售賣多款豬仔造型食品攬枕($128)。

第 8 站 鐵皮工作室

鐵皮工作室售賣多款特色懷舊鐵牌($70),由香港設計師設計,有多款以豬年為主題的鐵牌,同時仲有由以新年恭賀說話為主題的產品,十分有特色。

 

第 9 站 Chillpig

Chillpig 售賣多款特色文件夾($20)、筆袋($60)同電腦袋($100),部分以香港經典食物品牌為主題,例如生命面飽、珍寶珠等等。

第 10 站 虢礫緙嘞廣東話

虢礫緙嘞廣東話由香港漫畫家阿塗同勁揪體合辦,售賣搞鬼拳套($200)、香港潮語貼紙($$25/4張)同明信片($50/4張),仲有最特別的打工仔版魚蝦蟹($168)。

活動資訊

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠