【新年好去處2019】7大新年影相好去處推介！行大館/南豐紗廠/PMQ睇展覽
終於來到多日的農曆新年假期，拜完年都要搵節目打發時間，其實香港多個文化藝術地標都有開放，放假期間一樣可以行展覽同玩工作坊，再影靚相打卡！今次就同大家整理7個新年都可以行的地點，大家拜完年有時間的話，不妨去行下！
第 1 站 大館
位於中環的前中區警署建築群「大館」，自開幕後都吸引不少人去參觀。大館於農曆新年初一及初二（2月5日至2月6日）會繼續對公眾開放，但展覽、活動、表演和導賞團則會暫停，而各商店及餐廳則有個別的開放時間。拜完年一樣可以去大館影相打卡，而年初三後去的朋友，就可以照常行展覽，參觀大館當代美術館及其他展覽。
年初一及二開放時間安排：
大館（包括所有戶外空間）：10am-11pm／訪客中心：10am-8pm（01座 警察總部大樓 LG204、03座 營房大樓 G/F、09座 中央裁判司署 LG及G/F、12座 B倉 G/F、4座 D倉 G/F、17座 F倉 G/F及F倉展室／20座 賽馬會藝方／21座 賽馬會立方、大館小店 - 休息）
地址：中環荷李活道10號
來源：大館
第 2 站 南豐紗廠
位於荃灣的文化藝術新地標－南豐紗廠，於農曆新年將會照常開放，大家除了可以去影相打卡之外，仲可以去睇展覽！現時正舉行香港水墨畫家阿虫的「阿虫的算術人生路」及JANAS LAU「何處是吾家」 插畫展，有興趣的朋友可以去睇睇！而其他商店和工作坊等有個別開放時間安排。
開放時間：10am-10pm
地址：荃灣白田壩街45號
來源：南豐紗廠
第 3 站 PMQ
位於中環蘇豪區的PMQ元創城，雲集了過百位創意精英，PMQ於農曆新年將會照常開放，但個別商戶將另有開放時間安排。拜完年想去影相打卡的話，一樣無問題，仲可以去欣賞隱藏於樓梯各處的壁畫。
開放時間：7am-11pm
地址：中環鴨巴甸街35號
來源：PMQ
第 4 站 饒宗頤文化館
位於荔枝角的的饒宗頤文化館，集文化保育於一身，於農曆新年期間，文化園區會照常開放，但常設展覽將於農曆年初一至初三休館。而「活字生香──漢字的世界 世界的漢字」漢字文化體驗展覽將照相開放，另有師生剪紙聯展於2月14日至17日舉行，有時間的朋友不妨去行下。
第 5 站 油街實現
位於北角的油街實現，是從考古儲存倉庫活化而成的藝術空間，不時都會舉行藝術文化展覽。農曆年初一、初二休息，最啱年初三赤口不會拜年的朋友去行！現時正舉行「玩轉油樂場」，有興趣的朋友不妨去睇睇！
第 6 站 牛棚藝術村
第 7 站 藍屋
位於灣仔的藍屋為香港一級歷史建築，當中有香港故事館，不時舉行公眾展覽、文化藝術推廣，農曆年初一至年初三期間休館，拜完年放假期間不妨去行下！
平日開放時間﹕10am-6pm
來源：藍屋、FB@香港故事館 HK House of Stories
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
