【年宵2019】旺角年宵花巿現場直擊！遊戲/美食攤位/豬仔造型精品

主要售賣各款好運風車，包括：身體健康、生意興隆、合家平安、百業興旺、學業進步、心想事成、財源滾滾、萬事如意等，仲有好多得意豬仔風車添！

由社企主辦的攤檔，由中學生設計豬仔攬枕及豬仔風車揮春，更會有長者、年青人及殘疾人士輪流開檔，值得大家支持！

主要售賣豬仔產品，有超得意豬耳仔帽及兔耳仔帽，戴上頭到一按耳仔就會郁！另外，亦有豬仔暖手枕、豬屁股暖手枕、豬仔利是封等。

同樣以售賣豬仔產品為主，推介布甸豬仔攬枕，可以拉開，入面有8隻豬仔，超可愛！亦有其他豬仔公仔，大家不妨去睇下啦。

這檔有影相位，可以拎著有吉祥字句的豬仔紙牌影相，如大豬大利。產品方面就有巨型豬手攬枕、豬耳朵及豬公仔等。

九巴攤檔售賣多款巴士車仔，有特意為豬年設計的豬仔巴士，祝大家2019豬事順利！其他產品包括：印有九巴圖案的水樽、風車、車長制服水樽套等。

這檔由聖文德書院的學生經營，主要售賣豬仔產品，有豬仔暖手枕、公仔、三隻小豬擺設等，大家去行年宵時不妨支持下啦！

這檔「豬肥屋潤」售賣多款自家設計的豬仔錢罌，每款豬仔錢罌都有不同搞鬼造型，以及印上不同祝福語，如掌上明珠、豬事順利、豬肥屋潤、我愛豬妻等。仲有豬仔風車售賣，可以招財及桃花！

這檔有得玩遊戲，可以掟飛標及拋波波，勝出者可以獲得不同禮物，有大獎、二獎及安慰獎。禮物包括豬仔攬枕、豬耳仔帽、公仔、文件夾、書籤、環保袋等。

行完年宵肚餓的話，可以去小食攤檔醫肚，共4檔攤檔，提供多種小食，如牛柳粒、魷魚、串燒、鮑魚撈麵、台灣腸、玉子燒、大阪燒等，連甜品如芋圓糖水、豆腐花、梳乎厘都有，好吸引啊！