港九新界15大年宵市場已經開鑼，除了行維園年宵及旺角花墟外，其他區的年宵市場都係不錯的選擇，今次為大家現場直擊觀塘年宵市場及花市！觀塘年宵有129個攤位，乾貨攤位佔43個及有2個熟食攤位。當中有不少攤檔都以豬年做主題，售賣多款得意豬仔造型精品，住附近的朋友不妨去行下觀塘年宵啦！
第 1 站 87及88號攤檔
這檔是由《學是學非》一班主持人開設，售賣印有她們樣貌的周邊商品及多款豬年精品，如攬枕、風車、識郁的豬仔耳朵、地墊等，Fans記得去支持下啦！
第 2 站 89號攤檔
由中學生經營的攤檔，主要售賣豬仔產品，有豬仔文具、公仔、攬枕等，款式可愛。
第 3 站 99號攤檔
主要售賣豬仔產品，推介三款得意的豬仔暖手枕，暖手枕上印有祝福語，如「祝你早日出pool」、「豬肥屋潤」等，可以買嚟送俾朋友！
第 4 站 100號攤檔
同樣以售賣豬仔產品為主，推介各款可愛豬年公仔，大家不妨去睇下啦。
第 5 站 117號攤檔
這檔售賣多款潮語揮春，如「科科攞A」、「食極唔肥」、「發到豬頭」、「撈咩都掂」、「衝3爆4」、「出pool成功」等，十分搞鬼！
第 6 站 116號攤檔
這檔主要售賣豬仔產品，包括：豬pat pat斜揹袋、豬pat pat暖手枕、除衫豬仔、豬仔頭箍等，好得意啊！
第 7 站 120號攤檔
這檔是自家設計的品牌，用了不同款式的布製成各種電話套、卡套、證件套、鎖匙扣等，十分精美，去行觀塘年宵時不妨去睇下。
第 8 站 127號攤檔
這檔售賣招財貓攬枕為主，拉開攬枕發現可以變成一張毛毯，啱晒冬天用。
第 9 站 小食檔攤檔
行完年宵肚餓的話，可以去小食攤檔醫肚，共2檔攤檔，提供多種小食，如炒牛柳粒、烤原條魷魚、足料芝士蟹棒玉子燒、台灣蚵仔煎、炒豬手、雞翅包飯、爆谷等，好吸引啊！
免費登記成為U Lifestyle 會員
即時接收最新資訊並盡享獨家優惠！
評語