好多人新年都喜歡去年宵市場行吓買吓精品，但其實香港除了有比較熱門的銅鑼灣維園年宵市場、旺角年宵市場、觀塘年宵時場、沙田年宵市場之外，其他地方都有年宵花市可以行，今次就帶大家直擊元朗的年宵花市，即睇有咩精品同美食！
第 1 站 三巷士多
三巷士多售賣3款自家製布袋（$88），仲有好多本地懷舊玩具同零食為主題扣針（$40）。
第 2 站 港豬士多
港豬士多以香港零食為概念再加入自己的元素，自家設計多3款攬枕（$118），包括有熱浪薯片、橙汁、出前一丁，仲有3款搞鬼潮語布袋（$58）添。
第 3 站 飛甩豬毛
飛甩豬毛自家設計了多款豬仔造型精品，並配上多句香港潮語，十分得意，包括有貼紙（＄6）、小卡、明信片（$8）、布袋等等，（單色$38， 雙色$48）
第 4 站 Pig pig ice cream
Pig pig ice cream售賣多款由小朋友親自設計的攬枕，仲係以小朋友本人個外貌做設計藍本，原創性十足！最得意的莫過於有大大隻豬仔在雪糕筒上的雪糕豬仔($168)，另外亦有4款豬仔頭攬枕（$128），都好可愛架！
第 5 站 快餐攤檔
現場亦有快餐攤檔可以俾大家行完花市後掃街，有台灣腸（25/2條）、長腳蟹柳燒（$20/串）、燈型檸檬利賓納飲品（$25）、深海章魚燒（ $40）
第 6 站 珍姐
現場亦有售賣香港懷舊小食的攤位，珍姐攤位有售買花生糖（$38）、糯米糍（$25/8個）同叮叮糖（$10）等等，有興趣可以去試吓。
第 7 站 泰糯米
行年宵想食特別點可以食埋泰式甜品，泰糯米攤檔有售泰式千層糕$20、西米糕$25、玫瑰千層糕$20、芒果糯米飯$25，泰式甜品迷可以試吓。
第 8 站 濕貨區
行完乾貨區當然可以行埋濕貨啦，元朗年宵現場有多款年花俾大家選購，包括有桔、水仙、蘭花等等，大定可以揀番盆買回家。
免費登記成為U Lifestyle 會員
即時接收最新資訊並盡享獨家優惠！
評語