【紅磡好去處】紅磡影相掃街半日遊 爆醬芝士雞排/海洋風樓梯畫

樓梯畫以海洋為主題，樓梯畫滿不同的魚類，仲有海龜添。另外仲有2條充滿特色的彩色樓梯，最適合大家去影靚相打卡！

地址：紅磡道佛光街天橋兩旁,紅磡道黃埔花園

店舖主打多款特色炸物，包括有炸雞排、芝士條、炸粗薯條等等。而今次就為大家試了手掌芝心雞排（$30）同酥炸杏鮑菇（$25）。雞排肉質算嫩滑，一口咬落去有爆醬效果，芝士醬從雞肉中流出，十分惹味，芝士迷可以一試！另外，酥炸杏鮑菇的炸漿算薄，杏鮑菇一啖一口，十分滋味。

店舖資料：魔法雞排

地址：紅磡德民街1-15號黃埔新邨地下A4A號舖

店舖主打售賣多款口味的熱狗，例如松業蟹熱狗、鴨肝熱狗、和牛漢堡熱狗等等，今次就試了厚切鰻魚玉子熱狗$108（大鰻狗）同明太子煙三文魚熱狗。厚切鰻魚滑蛋熱狗有原條厚切鰻魚，而鰻魚下仲有一大片滑蛋，咬到最底仲有條熱狗腸，我分足料。熱狗分量算大，女生的話可以一隻熱狗分來食都夠飽，性價比算高。

店舖資料：ICONIC H 特色熱狗店

地址：紅磡必嘉街97號黃埔唐樓C座106A舖

食飽當然要飲杯茶飲解吓渴，長泡茶，當中售賣多款台灣茶飲，當中比較特別的是芝士提子長泡茶，提子味香，連飲料上的芝士奶蓋一齊飲，十分配合。店亦有少量坐位可以俾大家一邊影靚相一邊品嚐飲品添。

店舖資料：長泡茶

地址：紅磡必嘉街113號

掃完街又影相靚相可以去紅磡碼頭的公共空間睇日落，好多人都不知道原來紅磡都有地方睇到海景日落，講緊就是在嘉里酒店對出有一個公共空間，公共空間有一大片草地，大家可以一邊坐在草地一邊欣賞日落，十分浪漫。

地址：紅磡紅鸞道 38 號