8大連鎖店推買一送一優惠 東海堂/ IKEA/7-11/ Pacific Coffee/Kiki茶！
最近多間連鎖店都推出期間限定買一送一優惠，有東海堂、IKEA、7-11、Pacific Coffee、Master Kama、Kiki茶、Crostini及金鶴拉麵等等，今次就幫大家整理好8大連鎖店優惠，下次就可以輕鬆mark實優惠，同親朋好友一齊歎！
第 1 站 東海堂
東海堂推出沖繩紫薯軟雪糕買一送一優惠，由即日起至2月28日，於將軍澳廣場、屯門巿廣場一期、天星碼頭及荃灣千色匯分店，購買沖繩紫薯軟雪糕，即可享買一送一優惠。雪糕以沖繩宮古島紫薯「ちゅら恋紅」製作而成，可以約埋身邊的紫薯控一齊食。
來源：FB@東海堂 (Arome Bakery)
第 2 站 IKEA
九龍灣的IKEA FiKET分店推出飲料買一送一優惠，由即日起至3月31日，逢星期五於九龍灣分店購買任何手調飲料，即可獲買一送一優惠。新推出的海鹽焦糖鮮奶咖啡 ($19) 一樣有優惠，可以叫埋朋友同事一齊歎輕鬆一下！
來源：FB@IKEA 宜家家居
第 3 站 7-Eleven
7-11今次就帶來思樂冰買一送一優惠，由即日起至3月15日，逢星期五7am起買迷你思樂冰，即可享買一送一優惠。
來源：FB@7-Eleven Hong Kong
第 4 站 Master Kama
Master Kama就帶來龍蝦包買一送一超值優惠，由即日起至3月31日，逢星期一至日全日，到旺角、荃灣及屯門分店堂食或外賣自取購買龍蝦包，都可以享有享買一送一優惠，即$188有2件龍蝦包,可以同朋友仔一齊食！
來源：FB@MasterKama 龍蝦.石鍋.專家
第 5 站 Kiki茶
位於銅鑼灣祟光百貨的期間限定分店即將告別，最近更特別推出感謝優惠，於2月26日至3月1日期間3pm至7pm，指定時間到銅鑼灣pop up店購買KiKi茶，即可享有買一送一優惠！
地址：香港銅鑼灣軒尼詩道555號B2層Freshmart -15B
來源：FB@KiKi Tea
第 6 站 Crostini
為慶祝銅鑼灣慶時代廣場分店開幕，由3月1日至3月3日，到全線分店購買，凍士多啤梨朱古力、凍荔枝梳打、熱美式咖啡或熱鮮奶咖啡等指定飲品，即可享買一送一優惠。每日每店只限100杯，冷熱不能轉換，售完即止。
來源：FB@Crostini
第 7 站 金鶴拉麵
最近在土瓜灣開設新分店的金鶴拉麵，2月期間就推出新優惠，只要下載金鶴拉麵app並登記為會員，即可獲金鶴拉麵買一送一電子優惠券，優惠不包括期間限定口味的拉麵。優惠券有效期至2月28日，有興趣記得把握機會！
地址:佐敦九龍佐敦閩街3號地舖／九龍土瓜灣九龍城道10至16A舖
來源：FB@金鶴拉麵 KaneTsuru Ramen
第 8 站 Pacific Coffee
Pacific Coffee在2月期間都有推出會員買一送一優惠，於10am至6pm期間，購買「香濃Espresso Bar」或「喜愛之選」菜單上任何標準裝或以上手調飲品，即可享有買一送一優惠，詳情可向店員查詢。
來源：FB@Pacific Coffee
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
