【長沙灣好去處】玩轉長沙灣美食半日遊 2層高室內射擊場/粉色系Cafe花說

室內射擊場地共有2層，佔地30,000平方呎，有5大遊戲區同4款遊戲模式俾大家玩，包括有，可以同時迎合大人同小朋友的需要。店舖仲是全港首間採用啫喱子彈槍的射擊場地，啫喱子彈同般BB彈一樣刺激，但主打即使射到亦不算很痛，比較安全。場地設計布置亦十分用心，有不少場景，例如監獄、城市、熱帶雨林等等，令玩家投入度十足，適合一大班朋友去玩，即按下圖睇收費詳情！

地址：長沙灣福榮街350-360號二，三樓兩層

上勝為新開日本壽司店，主打多款足料手卷同丼飯，今次就為大家試了原條龍蝦手卷同蟹籽蟹肉蟹膏手卷，2款都十分足料。當中原條龍蝦手卷仲以原條龍蝦尾方式上碟，啖啖肉十分滋味。

地址：荔枝角長義街10號昌隆工業大廈地下2B舖

Fast Taste為平民西式漢堡店，售賣多款抵食美式快餐，店舖的招牌菜是公司漢堡飽，漢堡有2塊牛肉，包括有和牛漢堡同自製牛漢堡，2塊漢堡都十分厚身，肉汁算多。另外仲有其他菜式，包括鴨胸芝士長通粉、拉絲芝士條等等，可以滿足芝士迷的慾望。

地址：長沙灣元州街482-492號金碧閣地下4號舖

最後一站同大家去一間粉嫩少女系cafe，店內售賣多款外表精緻的食品，裝修以粉紅色為主，適合同閨蜜一齊去打卡影靚相。

地址：長沙灣福榮街565號地舖