正在閱讀
三五知己聚餐好去處 尚八日式燒肉/串Grill/快樂小羊/新南苑

三五知己聚餐好去處 尚八日式燒肉/串Grill/快樂小羊/新南苑

2019.03.13

好多人放假都會約出來朋友聚會,一齊食飯傾計re-u,一大班朋友食飯最常食的當然是打邊爐、雞煲、放題!今次就推介4間適合朋友聚會的餐廳,包括尚八日式燒肉店串、串 Grill 自助燒烤專門店、快樂小羊火鍋等等,一齊睇吓餐廳詳細地址。

第 1 站 尚八日式燒肉店

餐廳採用日本自家農場直送的日高見和牛,可以任食6個和牛部位,有和牛冧肉、和牛三角、和牛外腿、一口牛等。除了肉類之外,仲有多款海鮮任食,有蝦、帶子、蠔、蜆等。另外,加$48仲可以追加壽司刺身放題,有三文魚、甜蝦、海膽等等,可以一次過滿足大家多個要求。

地址: 尖沙咀亞士厘道23-25號雅士利中心3樓全層

營業時間:星期一至日12:00pm-3:30pm;5:00pm-1:00am

第 2 站 串Grill 自助燒烤專門店

「串Grill 自助燒烤專門店」主打串燒放題,3小時可以任食40多款串燒,包括澳洲M5和牛肩肉眼、紐西蘭牛西冷、牛舌、黑毛豬、羊肉、雞翼、丸類蔬菜等等。而且每枱都有一部燒烤自轉機,將串燒放上去就會自轉燒烤,不用自己動手反轉燒,夠晒方便,咁就可以有更多時間同朋友傾計啦。

地址:旺角廣華街2-20號翠苑大廈2二期10號舖 
營業時間:星期一至日5:00PM-2:00AM

第 3 站 快樂小羊火鍋餐廳

來自內蒙古包頭的「快樂小羊火鍋餐廳」剛登陸旺角,標榜原汁原味品嚐羊肉,招牌羊羊大拼盤($228),可一次過品嚐三種不同的羊肉部位,包括草原臻選大片羊、千層肋腹以及塔拉上的快樂卷,除了原片羊肉,還有店家研發的黑松露羊肉丸($78),由黑松露醬、孜然粉和羊肉合成,調味豐富且有層次。

地址: 旺角豉油街60-104B號鴻都大廈地下至2樓

營業時間: 

第 4 站 新南苑私房菜

餐廳選用肉質上乘的三黃雞,加上秘方醃製,炮製出嫩滑、皮脆骨軟的招牌雞煲。另外,亦可以優惠價加$138升級至海鮮火鍋半放題,歎到新鮮本地牛肉及5-7款時令海鮮,3小時任食超過40款火鍋配料。而店舖為了慶祝旺角店開業三週年,將會在3月12日至4月11日期間,推出$78優惠價90分鐘任食雞煲火鍋,仲可以任飲,適合一大班朋友去食!

地址: 香港九龍旺角彌敦道 678 號華僑商業中心 3 樓全層

營業時間:星期一至日6pm-3am

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠