港九新界4大雞煲店推介 為食仔海鮮火鍋/豐鍋/淥鼎記/食雞

文: Toby Mok
2019.03.13

一大班朋友最喜歡打邊爐或者食雞煲,貪份量夠多兼可以坐耐點傾計,今次就為大家介紹4大九龍新界雞煲店,包括有位於旺角及銅鑼灣的為食仔海鮮火鍋、位於沙田的豐鍋、觀塘的淥鼎記同大角咀的食雞,一齊睇吓每間雞煲店的詳細地址、營業時間同有咩食!

第 1 站 淥鼎記

淥鼎記為觀塘一間佔地1萬呎的養生火鍋店,推出無限時養生火鍋套餐,可以任食麻辣雞煲,更有多達20款火鍋配料任食。套餐包括有:江南八小碟原條時令活魚刺身美國牛小排海鮮大拼盤等等,餐廳還提供任飲的自家製清熱飲品添。

營業時間:星期一至日 12:00 - 15:00;17:30 - 23:30  

地址: 九龍觀塘道 414 號 1 亞太中心(OPC)8 樓全層

第 2 站 豐鍋

豐鍋是間位於沙田石門的雞煲火鍋店,主打十二種香料秘製的豐味麻辣雞煲,以及多款特色手工火鍋配料,誠意十足。鍋招牌麻辣雞煲($168/半隻;$268/全隻),有BB辣至大辣選擇,不能食辣的朋友亦可選走辣。而配菜方面就有牛頸脊、蝦丸、墨魚丸、黑墨丸、鯪魚丸 即炸爆芝紫菜響鈴等等,配料選擇算多,有興趣可以同一大班朋友試試。

營業時間:星期一至日上午11時至下午3時;下午5時至凌晨12時

地址: 沙田安群街3號京瑞廣場一期1樓137號舖

第 3 站 食雞

食雞是間位於大角咀的雞煲店,每2-4位就可以享用一隻雞,食完唔夠仲可以加$50再添一隻雞添,適合一班大胃王。火鍋配料任點任食,款式多而且比較特別包括有安格斯雪花肥牛、西班牙黑毛豬、新西蘭嫩鴨血、美國健力士啤酒腸、德國車打芝士熱狗腸、韓國珍寶蟹棒等等,場內仲設蔬菜自助區,可以任取蔬菜,大家可以約埋朋友去食。

營業時間: 大角咀洋松街38號地下1-2號舖

地址:18:00 - 02:00

第 4 站 為食仔海鮮火鍋專門店

餐廳最近推出限時優惠,$98藥膳醉雞煲,花雕酒醉雞加入養生藥材熬製嘅湯底,十分惹味。另外,9時半後入座可享$98卜卜蜆煲,每煲卜卜蜆約3,首半小時仲可以無限任加卜卜蜆添。大家仲可以試新推出的黃金系列火鍋配料,包括特式手打丸、黃金雞翼、黃金炸魚皮、自家黃金炸響鈴等等,一次過可以滿足三個願望!

營業時間:星期一至日下午12時至下午11時(銅鑼灣分店)/:星期一至日下午5時至凌晨1時半(旺角旺角彌敦道分店)/星期一至日下午6時半至凌晨2時半(旺角白布街分店)

地址:旺角彌敦道558-560號譽發廣場7樓/旺角白布街4號地舖/銅鑼灣駱克道491-499號京都廣場9樓

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓