【西貢好去處】西貢慢活影相半日遊 巨型鹹蛋黃雞脾/粉嫩紅鶴壁畫街

第一站同大家慢遊西貢壁畫街，其實西貢的萬年街內藏不少靚的壁畫，包括有粉嫩紅鶴牆、七彩飛行棋牆等等，大家有時間可以慢慢尋寶，搵不同壁畫影靚相。

地址：萬年街

Little Cove Expresso 是間充滿歐陸風情的純白色cafe，售出多款外表吸引的輕食，烤雞牛油果沙律，沾上醬汁一起食十分惹味。另外亦有顏色鮮豔的開心果香蕉冰沙杯同煙三文魚多士，全部份量不少，可同朋友一邊歎住咖啡慢慢歎美食，按下圖睇cafe環境同有咩食。

地址：西貢西貢海旁廣場兆日樓地下1-2號舖

食完輕食唔夠飽可以試試以即炸超巨型鹹蛋黃雞脾而出名的脾魔，雞脾份量十足，足足有成塊面咁大，而且鹹蛋黃用料亦充足，每啖都食到蛋黃得鹹香，十分惹味。另外亦可以試埋店舖新推出的甘梅炸小粟米，炸得十分爽脆，仲食到淡淡粟米香，店內當然仲有其他不同種類的炸物啦，大家可以一試，接下圖睇價錢詳情。

最後可以去純黑型格風的Blacksmith Coffee Shop食甜品完結一天的行程。純黑咖啡店定期都會舉辦一些工作坊或藝術展覽等大家可以一邊歎輕食一邊欣賞藝術品，過一個悠閒週末，按下圖睇cafe環境同有咩食。

地址：西貢市場街17號地下