正在閱讀
【復活節好去處2019】復活節6大酒店住宿優惠 迪士尼/海洋公園萬豪/帝都酒店

【復活節好去處2019】復活節6大酒店住宿優惠 迪士尼/海洋公園萬豪/帝都酒店

2019.04.13

復活節2019又就快到,好多人都借趁復活節有幾日假期去旅行,冇旅行去的朋友仔其實都可以選擇在香港酒店住宿一晚,休閒地過一個復活節假期。而最近香港有多間酒店都推出復活節2019酒店住宿優惠,除了包一晚住宿之外部分酒店仲會有其他活動優惠,例如海洋公園萬豪酒店就會免費送海洋公園入場券,其他酒店則會包自助餐、遊船河等等,一齊睇吓香港的酒店,包括迪士尼探索家度假酒店、黃金海岸酒店、愉景灣酒店、海洋公園萬豪酒店等在2019年的復活節有咩住宿優惠。

第 1 站 迪士尼探索家度假酒店

復活節假期期間,香港居民可以$1,999起購買酒店優惠套票,於指定期間入住迪士尼探索家度假酒店標準客房一晚,套票更包括兩張「開心齊玩復活節」嘉年華門票、酒店餐桌服務餐廳$200餐飲禮券(午餐或晚餐時段使用),以及其他購物優惠。另外,預訂第二晚酒店住宿更可享$180的折扣優惠。詳情請<按此>參閱。

價錢

$1,999起

資料及圖片來源:迪士尼探索家度假酒店

第 2 站 海洋公園萬豪酒店

海洋公園萬豪酒店最新推出《神奇夢樂園》復活節繽紛住宿計劃,大家除了可以入住萬豪酒店豪華客房一晚之外,仲可以獲得海洋公園入場券連海洋快證同《神奇夢樂園》電影戲票各3張,住客仲可以復活節尋尋彩蛋之旅,感受復活節氣氛。除此之外,大家仲可以免費收到《神奇夢樂園》的小禮品,有興趣的朋友記得入住啦,不過提提大家,入場券、電影戲票同小禮品都數量有限,有興趣的朋友記得盡早訂購,按下圖睇酒店房間設計。<按此預訂

價錢

由2019年4月18日至5月5日,每晚HK$1,880起

圖片及資料來源:海洋公園萬豪酒店酒店

 

 

第 3 站 愉景灣酒店

愉景灣酒店最近推出復活節3日2夜住宿優惠,大家可以入住2晚山景客房,酒店仲會包大家每日自助早餐同復活節自助晚餐1次。另外,酒店仲會舉辦嘉年華安排一系列活動俾住客玩,包括攤位遊戲,復活蛋彩繪,造型氣球等等活動。除此之外,酒店為了慶祝復活節,仲會舉行「愉景灣沙灘獵蛋奇兵2019」活動,等大家獵蛋,開心地過復活節,按下圖睇酒店環境。<按此預訂

復活節兒童嘉年華

日期 : 19 –  22 / 4
時間 : 11am – 5:00pm
地點 :  海濱草坪 

價錢

優惠由HK$4,538起 

資料及圖片來源:愉景灣酒店

 

第 4 站 黃金海岸酒店

復活節入住香港黃金海岸酒店,可以參加酒店舉辦的尋蛋遊戲、恐龍主題工作坊、黃金海岸飛天鋼索、兒童小火車、主題競技同充氣彈床遊戲等等。除此之外,大家仲可以優惠價食自助晚餐。而於2019年4月19至22日人住此計劃,尋蛋活動仲以可免費升級至「黃金海岸親子尋蛋樂2019,大家到時可以在大片草地上搜尋復活蛋,臝取獎品。另外,連續入住兩晚仲可以獲第一晚$ 200折扣,仲可以參與復活兔杯子蛋糕教室添。而凡預訂尊尚海景客房連露台的住客,仲可以有免費晚餐優惠,免費享用沙嗲軒復活節晚餐客(供2位成人及位小童享用,價值HK $ 436)。<按此預訂

資料及圖片來源:黃金海岸酒店

第 5 站 帝都酒店

帝都酒店最近推出復活節住宿優惠,入住標準客房或豪華客房的朋友可以在酒店內的2+2 café免費享用自助早餐同晚餐。另外,酒店仲會免費贈送復活朱古力蛋乙份俾各位住客添,當然仲可以免費使用健身室、游泳池同蒸汽浴室等酒店設施啦,按下圖睇酒店環境。<按此預訂

價錢

HK$2,040

優惠日期

2019年4月18至23日

資料及圖片來源:帝都酒店

第 6 站 帝景酒店

今個復活節,帝景酒店亦推出以復活節為主題的住宿優惠活動,大家除了可以入住親子客房之外,仲可以免費食自助早餐 (2位成人及1位小童)同自助下午茶餐 (2位成人及1位小童)。另外,入住的住客仲可以ž獲得嘉年華遊戲證,入場玩水上滑梯、遊船河、Xbox、PS4動感遊戲、氣墊球、足球競技賽等等。除此之外,大家仲可以免費參加「朱古力蛋DIY」甜品製作班,一次過滿足大家多個願望,按下圖睇有咩玩。<按此預訂

繽FUN親子樂住宿計劃(HK$ 1,680)包括:

  • 入住親子客房 / 主題客房一晚
  • 翌日自助早餐 (2位成人及1位小童)
  • 下午茶自助餐 (2位成人及1位小童)
  • ž「朱古力蛋DIY」甜品製作班
  • ž嘉年華遊戲證
  • ž免費爆谷一杯
  • ž可享Baleno 優惠劵一套 

活力親子樂住宿計劃(HK$2,180)包括:

  • 入住親子客房 / 主題客房一晚
  • ž翌日自助早餐 (2位成人及1位小童)
  • 自助晚餐 (2位成人及1位小童)
  • ž「朱古力蛋DIY」甜品製作班
  • 嘉年華遊戲證
  • ž免費爆谷一杯
  • ž可享Baleno 優惠劵一套

資料及圖片來源:帝景酒店

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠