【觀塘好去處】觀塘室內釣蝦+覓食半日遊 石磨黑米腸粉/即釣即燒大蝦

第一站帶大家去古道具公園cafe輕鬆一下。咖啡店內部裝潢精緻，主打多款茶點及咖啡。店內仲有首飾、服裝可以購買，仲有多個由古典傢具影相位，大家食完tea可以在店內Shopping同影靚相，按下圖睇有咩食。

地址：觀塘鴻圖道60號鴻福工廠大廈10樓B2號舖

營業時間：星期一至五12:00 - 19:00；星期六至日12:00 - 18:00

室內釣蝦場佔地超過3000尺有2個大蝦池，而蝦場亦會因季節會有不同的當造的蝦款供應，蝦場仲可以即釣即燒，夠哂新鮮！釣蝦場現正試業，6月中將會正式開始營業。

每竿收費：1小時： $130 ；2小時：$230； 3小時：$300

地址：觀塘開源道62號駱駝漆大廈2期11樓A

營業時間：星期一至四14:00-1:00；星期五、六、日及公眾假期及公眾假期前夕14:00-2:00

釣完蝦就帶大家去食石磨腸粉。腸粉全部都是即叫即整，保證新鮮熱辣。仲可以加雞蛋、粟米、菜脯、蟲草花、椰菜等配料，可以按自己喜好調配。店舖最受歡迎的腸粉為紅米及黑米腸粉，腸粉薄身通透，仲可以見到粒粒磨碎的紅米及黑米，味道有驚喜，按下圖睇價錢詳情。

地址：觀塘開源道68號觀塘廣場地下G34號舖

營業時間：8:00-21:00

最後再去食足料糯米糍，Sum Sum Dessert售賣多款人手製作糯米糍，包括原粒Oreo糯米糍、紫薯、榴槤等等。另外仲有份量較大的芝士海鹽同芝士伯爵茶雪媚娘，全部都餡料十足。如果唔夠仲可以試埋Oreo及芒果芝士杯等甜品，店內設有工場，售罄可立即補貨，保證新鮮，按下圖睇價錢詳情。

地址：觀塘港貿中心13樓1305室

營業時間：10:00-22:00